بابر اعظم کو کرکٹ کی دنیا میں "کنگ” کے نام سے جانا جاتا ہے۔ اطلاعات کے مطابق سابق کپتان بابر اعظم کو ایک بار پھر کپتان بنانے کے لئے غور و فکر کیا جا رہا ہے۔
ذرائع کا کہنا ہے کہ سلیکشن کمیٹی نے کپتان کے حوالے سے جو تجاویز چیئرمین پی سی بی محسن نقوی کو بھیجی ہیں اس میں قومی ٹیم کی قیادت کے لیے سابق کپتان بابر اعظم کا نام شامل ہے۔
پی سی بی ذرائع نے مزید بتایا ہے کہ محسن نقوی جلد کپتان کے حوالے سے مشاورت کر کے فیصلہ کریں گے، بابر اعظم کو دوبارہ کپتانی سونپنے کے حوالے سے سنجیدگی سے غور کیا جا رہا ہے۔
