کھانے کے بعد چائے پینے کے بہترین وقت اور اس کے ممکنہ اثرات پر مختلف آراء ہیں۔ تحقیق سے پتہ چلتا ہے کہ کھانے کے بعد چائے پینے سے ہاضمہ میں مدد مل سکتی ہے خاص طور پر سبز چائے یا ادرک والی چائے جیسے ہربل چائے میں موجود اینٹی آکسیڈنٹس اور پولیفینول جسم میں انہضام کے عمل کو بہتر بنا سکتے ہیں۔
چائے کا ہلکا سا تیزابیت دار ہونا اور اس میں موجود ٹیننز ہاضمہ کے لیے معاون ثابت ہو سکتے ہیں۔ تاہم، اکثر ماہرین مشورہ دیتے ہیں کہ کھانے کے فوری بعد چائے پینے کے بجائے تقریباً 20 سے 30 منٹ بعد پینا بہتر ہے تاکہ یہ کھانے کے غذائی اجزاء کو متاثر نہ کرے۔
دوسری جانب، کچھ تحقیق کے مطابق چائے کے اندر موجود کیٹیچنز اور ٹیننز جسم میں آئرن کے جذب کو روک سکتے ہیں خاص طور پر اگر کھانے کے دوران یا فوراً بعد پیا جائے۔ یہ خاص طور پر فورا چائے پینا ان لوگوں کے لیے نقصان دہ ہو سکتا ہے جو آئرن کی کمی کا شکار ہیں۔
ایسی صورت میں، اگر چائے پینی ہو تو بہتر ہے کہ کھانے اور چائے کے درمیان کچھ وقفہ رکھا جائے تاکہ غذائی اجزاء کے مکمل جذب میں کوئی رکاوٹ نہ آئے۔
عموماً صبح اور دوپہر کے کھانوں کے بعد چائے پینا توانائی بحال کرنے اور ہاضمہ کو بہتر بنانے کے لیے فائدہ مند سمجھا جاتاہے جبکہ رات کے کھانے کے بعد چائے پینا نیند کو متاثر کر سکتا ہے لہٰذا اس وقت بغیر کیفین والی ہربل چائے پینا بہتر ہے۔
