کراچی کے رہائشیوں نے گزشتہ 24 گھنٹوں کے دوران کئی بار ہلکی نوعیت کے زلزلے محسوس کیے ہیں جن میں تین جھٹکوں کی تصدیق پاکستان محکمہ موسمیات (پی ایم ڈی) نے کی ہے۔ تازہ ترین زلزلہ پیر کے روز آیا ہے جس کی شدت ریکٹر اسکیل پر 3.2 ریکارڈ کی گئی۔ ہے اور اس کا مرکز شہر کے گنجان آباد علاقے قائدآباد میں تھا۔ اسی علاقے میں ایک دن قبل شام 5 بج کر 33 منٹ پر 3.6 شدت کا جھٹکا بھی محسوس کیا گیا تھا۔ پیر کی صبح 1 بج کر 5 منٹ پر گڈاپ ٹاؤن کے قریب بھی ایک اور زلزلہ ریکارڈ کیا گیا ہے جس کی شدت بھی 3.2 تھی اور اس کی گہرائی 12 کلومیٹر تھی۔
یہ تمام زلزلے زمین کی سطح کے قریب یعنی 10 سے 12 کلومیٹر کی گہرائی پر آئے ہیں جس کی وجہ سے اگرچہ ان کی شدت کم تھی مگر جھٹکے محسوس کیے گئے۔
Intermittent tremors have been felt in Karachi since yesterday. Chief of the Meteorological Department’s Tsunami Warning Center, Amir Haider Laghari, has explained the reason.#Karachi #Earthquake #TOKReports pic.twitter.com/iU9QKacrxp
— Times of Karachi (@TOKCityOfLights) June 2, 2025
محکمہ موسمیات کراچی کے چیف میٹرولوجسٹ عامر حیدر کے مطابق یہ زلزلے لانڈھی کے علاقے میں موجود ایک فعال فالٹ لائن کی وجہ سے آ رہے ہیں۔ ان کا کہنا تھا کہ اگرچہ یہ زلزلے کم شدت کے ہیں اور ان میں بتدریج کمی آ رہی ہے تاہم فی الحال کوئی حتمی پیش گوئی ممکن نہیں۔ ان کا خیال ہے کہ اگر موجودہ رجحان برقرار رہا تو یہ جھٹکے ایک ہفتے کے اندر ختم ہو سکتے ہیں۔
ماہرین کا کہنا ہے کہ اس طرح کے کم شدت کے زلزلے درحقیقت فائدہ مند ہو سکتے ہیں کیونکہ یہ زمین کی اندرونی پلیٹوں میں جمع ہونے والی توانائی کو بتدریج خارج کرتے ہیں جس سے بڑے اور خطرناک زلزلوں کے امکانات کم ہو جاتے ہیں۔
یہ بھی پڑھیں: راولپنڈی میں موبائل ڈیوائس ٹیمپرنگ کے خلاف
