پی ایم ڈی نے ملک میں مزید بارشوں کی پیشگوئی کردی
آئندہ بارہ گھنٹوں کے دوران اسلام آباد، کشمیر، گلگت بلتستان، خیبرپختونخوا، خطہ پوٹھوہار، پنجاب، مشرقی/شمال مشرقی بلوچستان اور سندھ میں تیز ہواؤں/آندھی اور گرج چمک کے ساتھ مزید بارش کا امکان ہے۔
تاہم اس دوران شمال مشرقی پنجاب، خطہ پوٹھوہار، اسلام آباد، کشمیر، بالائی خیبرپختونخوا اور شمال مشرقی بلوچستان اور وسطی اور زیریں سندھ میں بھی الگ تھلگ موسلا دھار بارش کا امکان ہے۔
آج صبح ریکارڈ کیا گیا بعض بڑے شہروں کا درجہ حرارت
اسلام آباد چوبیس ڈگری سینٹی گریڈ، لاہور اٹھائیس، کراچی اکتیس، پشاور چھبیس، کوئٹہ تئیس، گلگت سترہ، مری سولہ اور مظفر آباد اکیس ڈگری سینٹی گریڈ۔
یہ بھی پڑھیں | سوئس وزیر خارجہ سرکاری دورے پر پاکستان پہنچ گئے
مقبوضہ جموں و کشمیر کے محکمہ موسمیات کی موسم کی پیش گوئی کے مطابق سرینگر، لیہہ، پلوامہ، اننت ناگ، بارہمولہ، جموں اور شوپیاں میں ابر آلود موسم اور بارش، آندھی اور گرج چمک کے ساتھ بارش کا امکان ہے۔
آج صبح ریکارڈ کیا گیا درجہ حرارت
سری نگر، پلوامہ اور بارہمولہ پندرہ ڈگری سینٹی گریڈ، اننت ناگ اور شوپیاں سولہ، جموں پچیس اور لیہہ نو ڈگری سینٹی گریڈ۔
