اگست 2025 پاکستانی آٹو مارکیٹ کے لیے خاصا دلچسپ ثابت ہو رہا ہے کیونکہ اسی مہینے تین نئی گاڑیاں ایک ہی دن میں لانچ کی گئی ہیں۔ ان میں سب سے زیادہ توجہ حاصل کرنے والی گاڑی ہے "پیوژو 2008 فیس لفٹ” جو اب باضابطہ طور پر پاکستان میں دستیاب ہے۔ اس کے ساتھ ہی دو الیکٹرک SUV گاڑیاں، جیکو J6 اور اوماڈا E5 بھی جلد لانچ کی جا رہی ہیں جبکہ مزید گاڑیوں کی لانچنگ کی بھی چہ مگوئیاں جاری ہیں۔
پیوژو کی اس نئی فیس لفٹ میں باہر سے کئی تبدیلیاں کی گئی ہیں جو اسے زیادہ دلکش اور جدید بناتی ہیں۔ نئی LED ہیڈلائٹس نہ صرف روشنی بہتر فراہم کرتی ہیں بلکہ ڈیزائن بھی بہت خوبصورت ہے۔ فرنٹ گرِل اب گاڑی کے باڈی کے ساتھ اچھی طرح مل جاتا ہے جس سے ایک نیا اور جاذبِ نظر لک پیدا ہوتا ہے۔
ڈی آر ایل لائٹس کو بھی نیا انداز دیا گیا ہے جو بامپر میں خوبصورتی سے نصب ہیں۔ پچھلی جانب، نئی LED لائٹس، نئے میٹ گرے رنگ کے "PEUGEOT” لوگو، اور بہتر انداز میں نصب ڈوئل ایگزاسٹ ٹپس گاڑی کو مکمل بناتے ہیں۔ 17 انچ کے نئے ڈائمنڈ کٹ رمز اور شاندار شارک فن اینٹینا بھی شامل کیے گئے ہیں۔ دروازوں پر اب گرے ساٹن فنش ٹرمز دیے گئے ہیں، جو پہلے کے سلور فنش کی جگہ لے رہے ہیں۔
اندرونی حصے میں بھی کئی بہتریاں کی گئی ہیں۔ سب سے نمایاں چیز نئی 10 انچ کی بڑی ٹچ اسکرین ہے جس کے گرافکس بہتر ہو گئے ہیں اور ریسپانس بھی تیز ہے۔ نئی بلیک کلر کی چھت اندرونی ماحول کو مزید جدید بناتی ہے اور گاڑی کو پریمیئم لک دیتی ہے۔
قیمت اور بکنگ کی معلومات
پیوژو 2008 دو ویریئنٹس میں دستیاب ہے: Active اور Allure۔
Active ویریئنٹ کی قیمت 69,99,000 روپے ہے
جبکہ Allure ویریئنٹ کی قیمت 77,99,000 روپے ہے۔
اگر آپ قسطوں میں گاڑی لینا چاہتے ہیں تو Active کی قیمت 72,49,000 روپے اور Allure کی قیمت 80,49,000 روپے ہوگی۔
گاڑی کی بکنگ شروع ہو چکی ہے اور مکمل ادائیگی کے ساتھ بک کی جا سکتی ہے۔ ڈیلیوریز اگست اور ستمبر 2025 کے درمیان متوقع ہیں۔
پیوژو کی نئی 2008 فیس لفٹ ان لوگوں کے لیے ایک اچھی چوائس بن سکتی ہے جو جدید ڈیزائن، نئی سہولیات اور آرام دہ ڈرائیونگ تجربہ چاہتے ہیں۔ یہ گاڑی پاکستانی مارکیٹ میں اپنی جگہ بنانے کے لیے تیار ہے۔
یہ بھی پڑھیں :
اٹلس ہونڈا نے پاکستان میں CG150 اور الیکٹرک اسکوٹر Icon e متعارف کرا دیے
