پنجاب، اسلام آباد، راولپنڈی، بلوچستان اور خیبرپختونخوا سمیت پاکستان کے مختلف حصوں میں وقفے وقفے سے بارش کا سلسلہ جاری ہے۔ محکمہ موسمیات نے آج مزید بارش کی پیش گوئی کی ہے اور حکام کو اس حوالے سے ممکنہ سیلاب اور لینڈ سلائیڈنگ کے لیے ہائی الرٹ پر ہیں۔
لینڈ دلائڈنگ کی وارننگ جاری
محکمہ موسمیات نے بعض علاقوں میں موسلا دھار بارش اور ژالہ باری کی وارننگ جاری کی ہے جس سے دریاؤں اور نشیبی علاقوں میں طغیانی کے ساتھ ساتھ پہاڑی علاقوں میں لینڈ سلائیڈنگ کا خطرہ ہے۔
بلوچستان میں خضدار، زیارت، ژوب اور کوئٹہ سمیت متعدد علاقوں میں موسلادھار بارش اور برفباری ہوئی ہے۔ پسنی میں سب سے زیادہ 90 ملی میٹر بارش ریکارڈ کی گئی۔ اسلام آباد، راولپنڈی، پنجاب، خیبرپختونخوا، کشمیر، گلگت بلتستان اور بالائی اور جنوب مغربی بلوچستان میں آج گرج چمک کے ساتھ مزید بارش کا امکان ہے۔
بلوچستان کے پہاڑی علاقوں میں آج برفباری کا امکان ہے جب کہ تیز بارش سے خضدار، زیارت، ژوب، شیرانی، مسلم باغ، کوئٹہ، پشین، نصیر آباد، جعفرآباد، مستونگ، سبی، لورالائی کے ندی نالوں میں طغیانی کا خدشہ ہے۔
قلعہ عبداللہ، قلعہ سیف اللہ، کیچ، پنجگور، گوادر اور تربت جہاں نشیبی علاقے زیر آب آ سکتے ہیں۔
اس کے علاوہ کشمیر، گلگت بلتستان، مری، گلیات، دیر، سوات، چترال، کوہستان، مانسہرہ، مالاکنڈ، بالاکوٹ، کالام، سیدو شریف، شانگلہ، ناران اور کاغان میں لینڈ سلائیڈنگ کے خدشے کے علاوہ موسم کی اسی طرح کی توقع ہے۔
کراچی میں بارشوں کی پیشنگوئی
لاہور میں، صوبائی ڈیزاسٹر مینجمنٹ اتھارٹی نے آنے والے ہفتے میں بارش کی پیش گوئی کی ہے جبکہ کراچی میں 18 اپریل سے شروع ہونے والی شدید بارشوں کی پیش گوئی کی گئی ہے۔
اس کے ساتھ ہی 17 اور 18 اپریل کو شمالی بلوچستان اور ساحلی علاقوں میں موسلا دھار بارشوں کی پیش گوئی کی گئی ہے۔ محکمہ موسمیات کے مطابق نیا سسٹم تین دن تک بارش کا باعث بنے گا۔
چارسدہ میں بالائی علاقوں میں بارش سے دریاؤں میں پانی کی سطح بلند ہوگئی ہے۔ دریائے سوات میں پانی کی بڑھتی ہوئی سطح نے مکینوں کو الرات کر دیا ہے اور حکام نے دریاؤں کے قریب رہنے والوں کو کناروں سے دور رہنے کا مشورہ دیا ہے۔
سوات کے علاقے خیالی میں بھی نچلے درجے کے سیلاب کی اطلاع ہے۔ ایبٹ آباد میں وقفے وقفے سے بارش کا سلسلہ تین روز تک جاری رہنے کا امکان ہے۔
مالاکنڈ کے شہر بٹہ خیلہ کو دریاؤں اور نہروں میں بھی طغیانی کا سماں ہے جبکہ دریائے سوات میں پانی کی سطح میں نمایاں اضافہ ہو رہا ہے۔
اس حوالے سے حکام صورتحال پر گہری نظر رکھے ہوئے ہیں۔
