پاکستان کا 10 گولڈ میڈلز کے ساتھ سپیشل اولمپکس کا اختتام
پاکستان کے محفوظ عابد نے اتوار کو برلن میں 16ویں اسپیشل اولمپکس ورلڈ گیمز کے سائیکلنگ ایونٹ کی 10 کلومیٹر ٹائم ٹرائل ریس میں گولڈ میڈل حاصل کیا ہے۔
تفصیلات کے مطابق محفوظ عابد نے 10 کلومیٹر کا فاصلہ 23 منٹ اور 02.02 سیکنڈ میں طے کیا۔ اتوار کو ختم ہونے والے گیمز میں پاکستان نے مجموعی طور پر 10 گولڈ میڈل جیتے ہیں۔
کراچی سے تعلق رکھنے والے محفوظ عابد نے بتایا کہ اس نے پہلی بار ورلڈ گیمز میں حصہ لیا ہے جس کے لیے وہ گزشتہ دو سال سے تیاری کر رہے تھے۔
انہوں نے کہا کہ میں آئندہ بین الاقوامی مقابلوں میں پاکستان کے لیے مزید تمغے جیتنے کا جذبہ رکھتا ہوں۔
مزید برآں 500 میٹر ٹائم ٹرائل ریس میں پاکستان کی مدیحہ طاہر نے مقررہ فاصلہ 1 منٹ 14.15 سیکنڈز میں طے کر کے چاندی کا تمغہ جیتا جبکہ آمنہ ارشد نے فاصلہ 1 منٹ 16.82 سیکنڈز میں طے کر کے کانسی کا تمغہ جیتا۔
فٹسال ایونٹ کے فائنل میں اومان نے پاکستان کو 6-3 گول سے شکست دے کر گولڈ میڈل جیت لیا۔
پاکستان چاندی کے تغمے کے لحاظ سے دوسرے نمبر پر
پاکستان چاندی کے تمغے کے ساتھ دوسرے نمبر پر رہا۔ پاکستان ٹینس ایونٹ کے ویمنز ڈبلز، مینز سنگلز اور یونیفائیڈ مینز ڈبلز میں چوتھے نمبر پر رہا۔ بوس ٹیم ایونٹ میں پاکستان کے ماہنور، سمرن مہیش لال، جمیل الرحمان اور فرحان اسلم نے کینیڈا، آسٹریلیا اور نیوزی لینڈ کو شکست دے کر چاندی کا تمغہ جیتا۔
یہ بھی پڑھیں | حکومت نے عیدالاضحیٰ کی تعطیلات میں چار دن کی توسیع کردی
فرحان اسلم نے مردوں کے سنگلز میں کانسی کا تمغہ جیتا اور ماہ نور نے خواتین کے سنگلز میں کانسی کا تمغہ حاصل کیا۔
اس سے قبل پاکستان کے محمد لقمان اور حبیب اللہ نے گولڈ میڈل جیت کر ملک کے گولڈ میڈلز کی تعداد میں اضافہ کیا۔ لقمان نے 100 میٹر کی دوڑ میں 15.21 سیکنڈ کا وقت طے کر کے طلائی تمغہ جیتا۔ انہوں نے لمبی چھلانگ میں چاندی کا تمغہ بھی حاصل کیا۔
دریں اثنا، پاور لفٹنگ میں حبیب اللہ نے 83 کلو گرام ڈیڈ لفٹ میں سونے کا تمغہ جیتا۔ انہوں نے اسکواٹ، بینچ پریس اور مشترکہ وزن میں چاندی کا تمغہ بھی جیتا۔ میرواعظ نے 3000 میٹر کی دوڑ میں چاندی کا تمغہ جیتا۔
پاکستان ہاکی ٹیم نے تیسری پوزیشن کے لیے کھیلے گئے میچ میں پیراگوئے کو 3-2 سے شکست دے کر کانسی کا تمغہ جیتا۔ یہ پہلا موقع ہے جب پاکستان ہاکی میں نمایاں ہو رہا ہے۔
