پاکستان کرکٹ بورڈ (PCB) نے بنگلہ دیش کے خلاف ٹی ٹوئنٹی سیریز کے لیے 16 رکنی اسکواڈ کا اعلان کر دیا ہے۔ ٹیم کی قیادت ایک بار پھر سلمان علی آغا کریں گے جبکہ شاداب خان نائب کپتان ہوں گے۔
یہ تین میچوں پر مشتمل سیریز 27 مئی سے 31 مئی تک قذافی اسٹیڈیم لاہور میں کھیلی جائے گی۔ ابتدائی طور پر یہ سیریز پانچ میچوں پر مشتمل تھی اور کچھ میچ فیصل آباد میں کروانے کا منصوبہ تھا لیکن سیکیورٹی اور لاجسٹک وجوہات کی بنا پر اسے تین میچوں تک محدود کر دیا گیا ہے۔
اسکواڈ کا انتخاب جاری پی ایس ایل سیزن 10 میں کھلاڑیوں کی کارکردگی کی بنیاد پر کیا گیا ہے جو 25 مئی کو ختم ہو رہی ہے۔ یہ سیریز پاکستان کے نئے ہیڈ کوچ مائیک ہیسن کی پہلی ذمہ داری بھی ہوگی۔
پاکستان ٹی ٹوئنٹی اسکواڈ برائے بنگلہ دیش سیریز:
سلمان علی آغا (کپتان)
شاداب خان (نائب کپتان)
ابرار احمد
فہیم اشرف
فخر زمان
حارث رؤف
حسن علی
حسن نواز
حسین طلعت
خوشدل شاہ
محمد حارث (وکٹ کیپر)
محمد وسیم جونیئر
محمد عرفان خان
نسیم شاہ
صاحبزادہ فرحان (وکٹ کیپر)
صائم ایوب
شیڈول کو پی سی بی چیئرمین محسن نقوی اور بنگلہ دیش کرکٹ بورڈ کے حکام کے درمیان مشاورت کے بعد حتمی شکل دی گئی۔
یہ بھی پڑھیں : وزیراعظم لیپ ٹاپ اسکیم 2026: درخواست دینے کی آخری تاریخ میں توسیع
