پاکستان میں کرونا وائرس کے پچھلے جوبیس گھنٹوں میں کتنے کیسز ہوئے- پڑھئے تازہ ترین رپورٹ

اپریل ۱۳ 2020: (جنرل رپورٹر) پاکستان میں کرونا وائرس کی بڑھتی ہوئی تباہ کاریوں نے پچھلے چوبیس گھنٹوں میں مزید سات افراد کی جان لے لی- تازہ ترین اطلاعات کے مطابق پچھلے چوبیس گھنٹوں میں تین ہزار دو سو تیتیس ٹیسٹ کئے گئے جن میں سے تین سو چھتیس کنفرم کیسز نکلے جبکہ اسی دوران سات افراد زندگی کی بازی سے ہاتھ دھو بیٹھے 

یاد رہے کہ پاکستان میں اب تک کرونا وائرس کے پینسٹھ ہزار سے زائد ٹیسٹ ہوئے جس میں سے تقریبا پانچ ہزار چار سو کرونا کے مریض نکلے ہیں- گورنمنٹ آف پاکستان کی کرونا وائرس آگاہی کے متعلق ویب سائٹ پر دئیے گئے اعداد و شمار کے مطابق کرونا وائرس سے اب تک ترانوے اموات ہو چکی ہیں جبکہ چوالیس کی حالت خطرے میں ہے- مزید برآں یہ کہ اب تک ایک ہزار پچانوے افراد صحتیاب ہو چکے ہیں جو کہ خوش آئیند بات ہے 

اگر ہم صوبہ کے لحاظ سے جائزہ لیں تو گورنمنٹ آف پاکستان کے آفیشل اعداد و شمار کے مطابق پنجاب میں دو ہزار پانچ سو چورانوے کیسز ہیں جبکہ سندھ میں ایک ہزار چار سو گیارہ, خیبرپختونخواہ میں دوسو تیس, آزاد جموں کشمیر میں چالیس, گلگت بلستان میں دوسو چار اور وفاق میں ایک سو اکتیس کیسز ہیں

دیکھا جائے تو دیگر ممالک کی طرح پاکستان میں بھی کرونا کی صورتحال بگڑتی دکھائی دے رہی ہے- ایک طرف کرونا کا خوف تو دوسری جانب ترقی پذیر ملک ہونے کے ناطے بھوک اور غربت بھی اہم.مسئلہ کے طور پر ایک بار اجاگر ہونے لگی ہے- تاہم تجزیہ نگار اس بات پر بھی متفق ہیں کہ کرونا وائرس نے ایشیاء کے ممالک کو کم متاثر کیا ہے بنسبت یورپ کے