پاکستان کی قومی فٹ بال ٹیم کو 2027 کے اے ایف سی ایشین کپ کے لیے کوالیفائی کرنے میں مشکلات کا سامنا ہے میانمار کے خلاف شکست کے بعد ان کی مشکلات بڑھ گئی ہیں۔ تھوونا اسٹیڈیم میں کھیلے گئے حالیہ میچ میں میانمار کے اسٹرائیکر تھانگ پینگ نے ہاف ٹائم سے پہلے ہی گول کر کے اپنی ٹیم کو برتری دلا دی اور اس طرح پاکستان کو گروپ ایل کے فائنل کوالیفائنگ راؤنڈ میں مسلسل دوسری شکست ہوئی ہے ۔
پاکستانی کپتان عبداللہ اقبال نے خاص طور پر پہلے ہاف میں ٹیم کی کارکردگی پر اپنی مایوسی کا اظہار کیا ہے ۔ میچ کے بعد انہوں نے کہا ہے ، "سچ کہوں تو ابھی میں بہت مایوس ہوں خاص طور پر پہلے ہاف سے۔”
HT: Myanmar lead 1-0 against Pakistan at Thuwunna Stadium. Offside in buildup not given.
— FootballPakistan.com (@FootballPak) June 10, 2025
Abdul Samad gets a yellow card before the break. pic.twitter.com/7LWhPxbLqt
انہوں نے تسلیم کیا ہے کہ ٹیم نے ابتدائی 45 منٹ میں کھل کر نہیں کھیلا لیکن وقفے کے بعد اپنی بہتر کارکردگی کی تعریف کی ہے ۔ عبداللہ اقبال نے پہلے ہاف کی کارکردگی پر مداحوں سے معافی بھی مانگی ہے اور امید ظاہر ہے کی ہے کہ انہوں نے دوسرے ہاف میں ٹیم کی صلاحیت کو دیکھا ہوگا۔
پاکستان کو اب اکتوبر میں افغانستان کے خلاف دو مشکل میچز کا سامنا ہے۔ ان کی حالیہ کارکردگی سے ممکنہ طور پر افغانستان کو ان میچوں میں اعتماد ملے گا۔
دلچسپ بات یہ ہے کہ یہ گیم اصل میں پاکستان میں کھیلا جانا تھا۔ تاہم پاکستان فٹ بال فیڈریشن اپنے انتخابات کے انعقاد میں مصروف تھی اور اس نے میانمار کے ساتھ میچوں کا
تبادلہ کرنے پر اتفاق کیا ہے ۔ پاکستان اب اگلے مارچ میں میانمار کی میزبانی کرے گا۔
یہ بھی پڑھیں : فیفا نے پاکستان فٹ بال فیڈریشن کی معطلی ختم کر دی
