پاکستان اور انگلینڈ کے درمیان دوسرا ٹیسٹ میچ آج ہو گا

پاکستان اور انگلینڈ کے درمیان دوسرا ٹیسٹ میچ پاکستانی وقت کے مطابق آج دوپہر تین بجے شروع ہو گا۔ یاد رہے کہ میزبان ٹیم کی جانب سے پہلا ٹیسٹ میچ جیتا جا چکا ہے۔

آج ساؤتھمپٹن میں ہونے والے ٹیسٹ میچ میں پاکستانی ٹیم کی جانب سے مانچسٹر ٹیسٹ میں کھیلنے والے 16 رکنی اسکواڈ کو برقرار رکھا گیا ہے۔ 

اسکواڈ میں اظہر علی، عابد علی، بابر اعظم، فواد عالم، اسد شفیق، امام الحق، محمد عباس، کاشف بھٹی، محمد رضوان، نسیم شاہ اور سرفراز احمد شامل ہیں جبکہ اس کے علاوہ شاہین آفریدی، یادر شاہ، شاداب خان، شان مسعود اور سہیل خان بھی 16 رکنی اسکواڈ کا حصہ ہیں۔ 

واضح رہے کہ پاکستان اور انگلینڈ کے درمیان مانچسٹر میں کھیلے گئے ٹیسٹ میچ میں انگلینڈ نے پاکستان وک تین وکٹوں سے شکست دی تھی جبکہ انہی دونوں ٹیموں کے درمیان تیسرا ٹیسٹ میچ 21 اگست سے شروع ہو گا۔