آئی سی سی مینز ٹی ٹوئنٹی ورلڈ کپ میں پاکستان کرکٹ ٹیم کی مایوس کن کارکردگی کے بعد پاکستان کرکٹ بورڈ (پی سی بی) کی سلیکشن کمیٹی میں تبدیلیوں کا امکان بڑھ گیا ہے۔
ٹی ٹوئنٹی ورلڈ کپ میں قومی ٹیم کی ناقص کارکردگی اور پہلے ہی مرحلے سے باہر ہونے کے بعد ٹیم شدید تنقید کا شکار ہو گئی ہے۔ میڈیا رپورٹس کے مطابق، اس خراب کارکردگی کے بعد پی سی بی سلیکشن کمیٹی میں تبدیلیوں کی توقع کی جا رہی ہے۔ خاص طور پر، وہاب ریاض کے کمیٹی سے الگ ہونے کے قوی امکانات ہیں۔ تاہم، بابر اعظم کی کپتانی کے بارے میں فوری طور پر کوئی فیصلہ متوقع نہیں ہے۔
پاکستان کرکٹ ٹیم کا نومبر تک کوئی وائٹ بال میچ شیڈول نہیں ہے، اس لیے بابر اعظم کی کپتانی کے متعلق کوئی فوری فیصلہ نہیں کیا جا رہا۔ پی سی بی حکام کا کہنا ہے کہ فی الحال بابر اعظم کی قیادت کے معاملے پر غور نہیں کیا جا رہا اور ان کی کپتانی برقرار رہے گی۔
دوسری جانب قومی کرکٹ ٹیم کی بنگلا دیش کے خلاف ہوم سیریز میں نئے کھلاڑیوں کو موقع دیئے جانے کا قوی امکان ہے۔
یاد رہے کہ مارچ میں پی سی بی چیئرمین محسن نقوی نے7 افراد پر مشتمل نئی سلیکشن کمیٹی بنائی تھی جس کا کوئی چیئرمین نہیں تھا۔
سلیکشن کمیٹی میں محمد یوسف ، وہاب ریاض ، عبدالرزاق، اسدشفیق، ہیڈ کوچ ، کپتان اور ایک اینالسٹ شامل تھے
