پاکستان کے معروف اداکار اور ہدایتکار یاسر نواز نے منگل کے روز اپنے بڑے بھائی وقار نواز کے انتقال کی افسوسناک خبر سوشل میڈیا پر شیئر کی ہے۔
یاسر نواز نے انسٹاگرام پر ایک دل گرفتہ پوسٹ میں اپنے بھائی کی وفات پر گہرے دکھ اور غم کا اظہار کیا ہے۔ انہوں نے اللہ تعالیٰ سے دعا کی ہے کہ وہ وقار نواز کی لغزشوں کو معاف فرمائے انہیں جنت الفردوس میں اعلیٰ مقام عطا کرے اور اہل خانہ کو اس صدمے کو برداشت کرنے کے لیے صبر اور حوصلہ دے۔
یاسر نواز کے بھائی وقار نواز انتقال کر گئے#ARYNewsUrduhttps://t.co/Xo0j2toQCs
— ARY News Urdu (@arynewsud) June 24, 2025
یاسر نواز نے اپنے چاہنے والوں، دوستوں اور مداحوں سے درخواست کی ہے کہ وہ ان کے بھائی کو اپنی دعاؤں میں یاد رکھیں۔
ان کی اس پوسٹ پر شوبز انڈسٹری کی کئی مشہور شخصیات، مداحوں اور فالوورز نے تعزیت اور ہمدردی کا اظہار کیاہے اور وقار نواز کے لیے دعائے مغفرت کی ہے۔
یاسر نواز کا کہنا ہے کہ وہ اپنے بھائی کے بہت قریب تھے اور ان کے درمیان ایک گہرا رشتہ تھا جس کے بچھڑنے کا دکھ ان کے الفاظ سے صاف ظاہر تھا۔مرحوم وقار نواز کی نمازِ جنازہ آج 24 جون کو نمازِ ظہر کے بعد رحمانیہ مسجد، طارق روڈ کراچی میں ادا کی جائے گی۔
