واٹس ایپ کسٹم لسٹس فیچر: مکمل تفصیلات

واٹس ایپ مبینہ طور پر اپنی اسٹیٹس پرائیویسی سیٹنگز میں ایک بڑی اپ گریڈ پر کام کر رہا ہے جس کا مقصد صارفین کو یہ مکمل اختیار دینا ہے کہ ان کی روزانہ کی اسٹوریز اور اپ ڈیٹس کون دیکھ سکتا ہے۔ حالیہ رپورٹس کے مطابق میسجنگ ایپ ایک نیا کسٹم لسٹس (Custom Lists) فیچر تیار کر رہی ہے۔

یہ پیش رفت اس خبر کے بعد سامنے آئی ہے کہ واٹس ایپ انسٹاگرام طرز کے "کلوز فرینڈز” (Close Friends) فیچر پر بھی کام کر رہا ہے جو اس بات کا اشارہ ہے کہ کمپنی اب پلیٹ فارم پر پرسنلائزڈ (Personalized) شیئرنگ کی طرف بڑھ رہی ہے۔

واٹس ایپ کسٹم لسٹس فیچر کیا ہے؟

اس فیچر کو واٹس ایپ کی خبریں دینے والی معتبر ویب سائٹ WABetaInfo نے اینڈرائیڈ بیٹا ورژن 2.26.5.11 میں دریافت کیا ہے۔ یہ فیچر موجودہ "My Contacts” یا "My Contacts Except” آپشنز سے ہٹ کر صارفین کو فراہم کرنے کے لیے ڈیزائن کیا گیا ہے۔

WhatsApp is reportedly testing a new feature that lets users create custom contact lists to control who can view their status updates, similar to Instagram’s sharing options. The feature, spotted in the Android beta version 2.26.5.11, is still under development. pic.twitter.com/LTG0KyeUVP
— NewsWire 🇱🇰 (@NewsWireLK) February 9, 2026

فیس بک پر موجود کسٹم پرائیویسی کنٹرولز کی طرح یہ فیچر صارفین کو اپنے رابطوں (Contacts) کی الگ الگ اور مخصوص فہرستیں ترتیب دینے کی اجازت دے گا۔ مثال کے طور پر اب آپ مندرجہ ذیل گروپس بنا سکیں گے:

فیملی لسٹ (Family List): اپنی ذاتی تصاویر اور خاندانی تقریبات صرف گھر والوں کے ساتھ شیئر کرنے کے لیے۔

یہ بھی پڑھیں: شناختی کارڈ کی میعاد ختم، سمز بلاک ہونے کا خدشہ: فوری طور پر کرنے والے 3 اہم کام

ورک لسٹ (Work List): دفتری ساتھیوں کے ساتھ پروفیشنل اپ ڈیٹس شیئر کرنے کے لیے۔

کلوز فرینڈز لسٹ (Close Friends): اپنے قریبی دوستوں کے ساتھ گپ شپ اور نجی لمحات شیئر کرنے کے لیے۔

یہ فیچر کیسے کام کرے گا؟

رپورٹ کے مطابق یہ فیچر استعمال میں انتہائی آسان اور مکمل طور پر آپ کی مرضی کے مطابق ہوگا۔ صارفین کو مندرجہ ذیل سہولیات میسر ہوں گی:

لسٹ کا نام: آپ ہر گروپ کو اپنی مرضی کا نام دے سکیں گے (مثال کے طور پر "جم بڈیز”، "کزن گروپ” یا "آفس ٹیم”)۔

ایموجی کا انتخاب: لسٹ کی آسانی سے پہچان کے لیے آپ اس کے ساتھ ایک نمائندہ ایموجی (Emoji) بھی سیٹ کر سکیں گے۔ایک بار جب آپ کوئی لسٹ بنا لیں گے تو اسٹیٹس پوسٹ کرتے وقت یہ آپ کے پاس موجودہ پرائیویسی آپشنز کے ساتھ ہی نظر آئے گی جس سے آپ باآسانی منتخب کر سکیں گے کہ آپ کا اسٹیٹس کس گروپ کو دکھانا ہے۔