لبان کے دارالحکومت بیروت میں شرید ترین دھماکوں کے بعد دنیا بھر سے تعزیتی پیغامات موصول ہو رہے ہیں جبکہ پاکستانی اداکارہ اور ماڈل ماہرہ خان نے بھی بیروت میں ہونے والے دھماکوں ہر افسوس اور وہاں کے لوگوں سے اظہار ہمدردی کیا ہے۔
بیروت میں جاں بحق ہونے والوں کی تعداد ڈیڈھ سو کے لگ بھگ ہو گئی ہے جبکہ 4 ہزار سے زائد افراد ان دھماکوں کے نتیجے میں زخمی ہوئے ہیں۔ دنیا بھر سے تعزیت کی جا رہی ہے جبکہ شوبز شخصیات بھی اس دکھ درد میں برابر کی شریک ہیں۔
ماہرہ خان نے حال ہی میں سوشل میڈیا رابطے کی مشہور ویب سائٹ انسٹاگرام پر بیروت شہر کے فضائی منظر کی ایک تصویر شئیر کی ہے جس میں لفظ بیروت ساتھ ٹوٹے ہوئے دل کا ایموجی ہے۔
بیروت کی اس تصویر کے ساتھ ماہرہ خان نے ڈسکرپشن میں وہاں کے لوگوں سے اظہار افسوس بھی کیا۔
انہوں نے لکھا کہ تمام ان پیارے لوگوں کے نام جن سے میں ملی ہوں۔۔۔ مجھے بہت افسوس ہے۔۔۔ آپ کے لئے دعا گو ہوں۔
ماہرہ خان کی اس پوسٹ کو اب تک ایک لاکھ سے زائد افراد پسند کر چکے ہیں جبکہ مداحوں کی جانب سے بیروت واقعے کے فوت شدگان اور زخمیوں کے لئے دعاؤں کا سلسلہ بھی جاری ہے۔
اداکارہ ماہرہ خان کی اس انسٹاگرام ہوسٹ کو اس لنک پر کلک کر کے دیکھا جا سکتا ہے۔
