نومبر 2020: (جنرل رپورٹر) لاہور قلندرز نے ہفتہ کی رات نیشنل اسٹیڈیم کراچی میں پشاور زلمی سے بھرپور مقابلہ کیا اور جیت کو اپنے نام کیا۔
تفصیلات کے مطابق محمد حفیظ کی 5 وکٹ سے کامیابی بعد لاہور قلندرز کے لئے اس دفعہ پاکستان سپر لیگ کے اپنے پہلے فائنل میں جانے کی امید برقرار ہے۔
قلندرز، جو پہلے کے چاروں ایڈیشن میں ابتدائی مرحلے سے کبھی آگے نہیں بڑھ سکا تھا، اب اتوار کو ایلیمینیٹر 2 میں ملتان سلطانز سے مقابلہ کرے گا۔
یہ بھی پڑھیں | وزیر اعظم آج تربت کے لئے تاریخی ترقیاتی پیکج کا اعلان کریں گے
یاد رہے کہ قلندرز نے ٹاس جیت کر پہلے فیلڈنگ کرنے کا فیصلہ کیا تھا۔
پشاور زلمی نے لاہور قلندرز کو جیت کے لیے 171 رنز کا ہدف دیا جبکہ پشاور زلمی نے نو وکٹوں کے نقصان پر 170 رنز بنائے تھے۔
زرائع کے مطابق قلندر نے صرف پانچ وکٹوں کے نقصان پر مطلوبہ ہدف حاصل کر لیا جبکہ قلندرز کی جانب سے محمد حفیظ 74 رنز بنا کر ٹاپ سکور بنانے والے کھلاڑی رہے۔
