لاہور فائرنگ واقعہ کیسے پیش آیا؟
لاہور میں ایک ناقابلِ قبول اور افسوسناک واقعہ پیش آیا، جہاں ایک نوجوان کو وی آئی پی کلچر کے خلاف آواز اٹھانے پر گولی مار دی گئی۔ اطلاعات کے مطابق ایک بااثر شخصیت کا قافلہ سڑک پر تیزی سے گزر رہا تھا اور عام شہریوں کو راستہ دینے پر مجبور کیا جا رہا تھا۔ نوجوان نے اس رویے پر اعتراض کیا، جس پر تلخ کلامی ہوئی اوراسی وجہ سے پھر اسے گولی مار دی گئی۔
وی آئی پی کلچر کے خلاف پولیس کی کارروائی
واقعے کے بعد پولیس موقع پر پہنچی اور زخمی نوجوان کو اسپتال منتقل کیا گیا۔ پولیس کے مطابق ملزمان کی شناخت کی لی گئی ہے، اور ان کی گرفتاری کے لیے چھاپے مارے جا رہے ہیں۔ حکام نے یقین دہانی کرائی ہے کہ اس کیس میں قانون کے مطابق مکمل کارروائی کی جائے گی۔
ضرور پڑھیں: صحت کی اہمیت: 10 آسان صحت کے راز
وی آئی پی کلچر کے خلاف عوام کا ردعمل
سوشل میڈیا پر اس واقعے کے خلاف شدید غم اور غصہ پایا جارہا ہے۔ شہریوں کا کہنا ہے کہ وی آئی پی کلچر کی وجہ سے عام لوگ مشکلات کا شکار ہوتے ہیں اور اب تو آواز اٹھانے والوں کو گولیاں ماری جا رہی ہیں۔ عوام کا مطالبہ ہے کہ ملزمان کو فوری گرفتار کر کے سخت سزا دی جائے تاکہ آئندہ کوئی طاقت کے نشے میں ایسا نہ کرے سکے۔
حکام کا مؤقف
وزیراعلیٰ پنجاب نے واقعے کا سخت نوٹس لیتے ہوئے پولیس کو ہدایت دی ہے کہ ملزمان کو جلد گرفتار کر کے انصاف فراہم کیا جائے۔ لاہور پولیس کے مطابق واقعے کی مکمل تحقیقات کی جا رہی ہیں اور تمام شواهد اکٹھے کیے جا رہے ہیں۔
یہ واقعہ پاکستان میں وی آئی پی کلچر کے خلاف بڑھتی ہوئی نفرت کو ظاہر کرتا ہے۔ عوام کا مطالبہ ہے کہ قانون سب کے لیے برابر ہو اور کسی کو بھی اپنی طاقت کا غلط استعمال کرنے کی اجازت نہ دی جائے۔ اگر حکومت نے سخت اقدامات نہ کیے تو ایسے واقعات دوبارہ پیش آ سکتے ہیں
