انٹرمیڈیٹ اور میٹرک کے امتحانات پاکستان اور بھارت کے درمیان بڑھتی ہوئی کشیدگی کے باعث ملتوی کر دیے گئے ہیں لاہور بورڈ (BISE) نے اعلان کیا ہے۔
ملتوی ہونے والے امتحانات میں درج ذیل شامل ہیں:
اسلامیات (الیکٹو)
پرنسپلز آف اکاؤنٹنگ (انٹر پارٹ II تھیوری)
کمپیوٹر سائنس (میٹرک پریکٹیکل)
لاہور بورڈ کے ترجمان نے کہا کہ یہ فیصلہ سیکیورٹی خدشات کے پیش نظر کیا گیا ہے۔ دونوں ممالک کے درمیان حالیہ فوجی کارروائیوں کے بعد حالات حساس ہیں۔ نئے امتحانی شیڈول کا اعلان جلد کیا جائے گا۔
یہ فیصلہ بھارت کی پاکستان پر فضائی حملوں اور اس کے جواب میں پاکستانی فوج کی کارروائیوں کے بعد سامنے آیا جن میں پاکستان نے پانچ بھارتی لڑاکا طیارے اور ایک ڈرون مار گرایا۔
طلباء اور عوام سے کہا گیا ہے کہ وہ تازہ ترین معلومات کے لیے باخبر رہیں۔
دوسری جانب برٹش کونسل پاکستان نے اعلان کیا ہے کہ ان کے آج کے تمام امتحانات شیڈول کے مطابق منعقد ہوں گے۔ کسی تبدیلی کی صورت میں طلباء کو بروقت اطلاع دی جائے گی۔
امتحانات سے متعلق کسی بھی سوال کی صورت میں طلباء اپنے اداروں یا برٹش کونسل کے کسٹمر سروس سینٹر سے رابطہ کریں۔
یہ بھی پڑھیں : بھارتی حملوں میں 26 پاکستانی شہری شہید، پاک فوج کی تصدیق
