فیملی رجسٹریشن سرٹیفکیٹ (FRC) نادرا کی طرف سے جاری کیا جانے والا ایک اہم دستاویز ہے جو آپ کے قریبی خاندان کے افراد کی معلومات پر مشتمل ہوتا ہے، جیسے: والدین، بہن بھائی، بیوی یا شوہر، اور بچے۔
ایف آر سی (FRC) کی اقسام:
آپ تین اقسام میں سے کسی ایک کے لیے درخواست دے سکتے ہیں:
پیدائش کی بنیاد پر (By Birth):
اس میں والدین اور بہن بھائی شامل ہوتے ہیں۔ یہ اکثر ویزا درخواستوں کے لیے استعمال ہوتا ہے۔
شادی کی بنیاد پر (By Marriage):
اس میں شریکِ حیات (بیوی/شوہر) اور بچے شامل ہوتے ہیں۔
گود لینے کی بنیاد پر (By Adoption):
اس میں گود لیے گئے بچے شامل کیے جاتے ہیں۔
درخواست دینے سے پہلے اپنی ضرورت کے مطابق مناسب قسم کا انتخاب کریں۔
ایف آر سی حاصل کرنے کے دو طریقے:
آن لائن درخواست (NADRA Pak Identity ویب سائٹ کے ذریعے):
ویب سائٹ پر جائیں:
https://id.nadra.gov.pk
درخواست دینے کا طریقہ:
اکاؤنٹ بنائیں یا لاگ ان کریں
“Apply for FRC” منتخب کریں
اپنی مطلوبہ FRC کی قسم منتخب کریں
مطلوبہ معلومات فراہم کریں
ضروری دستاویزات اپلوڈ کریں
فیس جمع کروائیں
درخواست جمع کرائیں
منظوری کے بعد PDF میں سرٹیفکیٹ ڈاؤن لوڈ کریں
آن لائن فیس: صرف 1000 روپے
نوٹ: آن لائن ایف آر سی صرف عام مقاصد یا ویزا درخواستوں کے لیے قابل قبول ہوتی ہے۔ اگر کسی سفارت خانے کو تصدیق شدہ کاغذی کاپی درکار ہو تو نادرا دفتر جانا ہوگا۔
نادرا رجسٹریشن سینٹر پر جا کر درخواست دینا:
ضروری دستاویزات :
اصل CNIC یا B-Form
خاندان کے دیگر افراد کے CNICs یا B-Forms
اگر شادی کی بنیاد پر FRC لے رہے ہیں تو نکاح نامہ بھی ساتھ لائیں
طریقہ کار:
ریسیپشن سے FRC کے لیے ٹوکن حاصل کریں
اپنی باری پر کاؤنٹر پر جائیں
تمام خاندان کے افراد کے شناختی کارڈ/فارمز فراہم کریں
بایومیٹرک تصدیق کی جا سکتی ہے
افسر معلومات درج کرے گا اور آپ کو ڈرافٹ دکھائے گا
فیملی ٹری (خاندانی خاکہ) کی تصدیق کریں
کاؤنٹر پر فیس جمع کروائیں
چند منٹوں میں پرنٹ شدہ ایف آر سی مل جائے گا
نادرا دفتر میں فیس: تقریباً 1000 روپے
اہم ہدایات:
آپ کا CNIC یا B-Form نادرا میں اپڈیٹ ہونا ضروری ہے ورنہ کچھ خاندان کے افراد FRC میں شامل نہیں ہوں گے۔
اگر کسی فرد کا ریکارڈ نادرا میں موجود نہیں تو پہلے اسے اپڈیٹ کروائیں۔
FRC کو شہریت یا پاکستانی ہونے کے ثبوت کے طور پر استعمال نہیں کیا جا سکتا۔
یہ ایک وقتی دستاویز ہوتا ہے یعنی یہ صرف اُس وقت کے ڈیٹا کو ظاہر کرتا ہے جب آپ نے درخواست دی۔
یہ بھی پڑھیں:
نادرا نے بی فارم اور شناختی کارڈ کے قوانین میں بڑی اصلاحات متعارف کروا دیں!
