پاکستانی ڈرامہ انڈسٹری کے معروف اداکاروں صنم سعید اور محب مرزا نے اپنے بیٹے کی پیدائش کی خوشخبری سوشل میڈیا پر مداحوں کے ساتھ شیئر کی ہے۔ جوڑے نے اپنے نومولود بیٹے کا نام ولی حسن مرزا رکھا ہے۔
صنم سعید نے انسٹاگرام پر ایک جذباتی پوسٹ میں لکھا:
"ہمارے دل خوشی سے بھر گئے ہیں۔ محبت، حیرت اور ان ننھی انگلیوں کے ساتھ — ہم اپنے بیٹے ولی حسن مرزا کو دنیا میں خوش آمدید کہتے ہیں۔ سب کچھ اللہ کی مرضی سے ہے — اُس کے سوا کوئی طاقت نہیں۔ برائے مہربانی ہمارے بیٹے کو اپنی دعاؤں میں یاد رکھیں۔”
مداحوں اور شوبز شخصیات نے اس خوبصورت اعلان پر جوڑے کو مبارکباد دی ہے اور نومولود کے لیے نیک تمناؤں کا اظہار کیا ہے۔
یاد رہے کہ صنم سعید اور محب مرزا نے 2021 میں شادی کی تھی تاہم انہوں نے یہ خبر 2023 میں عوام کے ساتھ شیئر کی تھی۔
یہ دونوں اداکاروں کی دوسری شادی ہے۔ صنم کی پہلی شادی ان کے دوست فرحان حسن سے ہوئی تھی جبکہ محب مرزا کی سابقہ اہلیہ اداکارہ اور ماڈل آمنہ شیخ تھیں جن سے ان کی ایک بیٹی بھی ہے۔
یہ بھی پڑھیں : پاکستانی ڈرامہ انڈسٹری کی سینئر اداکارہ عائشہ خان کراچی میں انتقال کر گئیں
