کیا کل سندھ میں چھٹی ہوگی؟ حکومت کا اہم اعلان سامنے آگیا

کیا کل سندھ میں چھٹی ہے؟ یہ وہ سوال ہے جو سوشل میڈیا پر گردش کر رہا ہے۔ اس حوالے سے اب واضح خبر سامنے آگئی ہے۔ سندھ کی ضلعی انتظامیہ نے ہفتہ، 7 فروری 2026 کو ضلع جامشورو میں مقامی تعطیل کا اعلان کر دیا ہے۔

سندھ میں ایک اور چھٹی کا اعلان 

ڈپٹی کمشنر جامشورو کے دفتر سے جاری کردہ سرکاری نوٹیفکیشن کے مطابق اس چھٹی کا اطلاق صرف ضلع جامشورو کی حدود میں ہوگا۔ اس روز ضلع بھر کے تمام سرکاری دفاتر اور تعلیمی ادارے بند رہیں گے۔

یہ فیصلہ حضرت لعل شہباز قلندر (رح) کے 774 ویں سالانہ عرس کے موقع پر کیا گیا ہے جو 18 شعبان 1447 ہجری کو منایا جا رہا ہے۔

چھٹی کا مقصد

ڈپٹی کمشنر جامشورو اور ڈسٹرکٹ عشر کمیٹی کے چیئرمین غضنفر علی قادری کے دستخط سے جاری ہونے والے حکم نامے کا مقصد عرس میں شرکت کرنے والے زائرین کو سہولت فراہم کرنا اور مذہبی تقریب کے دوران انتظامات کو بہتر بنانا ہے۔ہر سال ہزاروں عقیدت مند جنوبی ایشیا کے اس عظیم صوفی بزرگ کے عرس میں شرکت کے لیے سیہون شریف کا رخ کرتے ہیں۔ انتظامیہ نے شہریوں کو ہدایت کی ہے کہ وہ اپنی سرگرمیوں کا شیڈول اسی حساب سے ترتیب دیں جبکہ دیگر اضلاع (جیسے کراچی یا حیدرآباد) میں معمول کے مطابق کام جاری رہے گا۔