امریکا –
گلوکار زین ملک اور سپر ماڈل گیگی حدید مبینہ طور پر ماڈل کی والدہ یولینڈا کے ساتھ گلوکار کے جھگڑے کے بعد الگ ہو گئے ہیں۔
ذرائع کے مطابق زین ملک اور گیگی حدید دونوں اب اپنی بیٹی کھائی کے والدین ہیں جو ستمبر 2020 میں پیدا ہوئی تھی۔
یہ خبر ٹی ایم زیڈ کی رپورٹ کے ایک دن بعد سامنے آئی ہے جس میں گیگی حدید کی والدہ یولینڈا نے دعویٰ کیا تھا کہ زین ملک نے اسے "مارا” ہے جبکہ اس الزام کی زین ملک نے تردید کی ہے۔
یہ بھی پڑھیں | مینار پاکستان واقعہ: کیا واقعی عائشہ اکرم اور ریمبو بھاری رقم بٹور چکے ہیں؟
انہوں نے ٹی ایم زیڈ کو بتایا کہ میں یولینڈا حدید کو مارنے کی سختی سے تردید کرتا ہوں اور اپنی بیٹی کی خاطر میں مزید تفصیلات بتانے سے انکار کرتا ہوں اور مجھے امید ہے کہ یولینڈا اپنے جھوٹے الزامات پر نظر ثانی کرے گی اور نجی طور پر ان خاندانی مسائل کو ٹھیک کرنے کی طرف بڑھے گی۔
زین ملک نے ٹوئٹر پر ایک بیان بھی جاری کیا جس میں اپنی بیٹی کھائی کی خاطر رازداری کی درخواست کی۔
جیسا کہ آپ سب جانتے ہیں کہ میں ایک پرائیویٹ پرسن ہوں اور میں اپنی بیٹی کے بڑے ہونے کے لیے ایک محفوظ اور پرائیویٹ جگہ بنانا چاہتا ہوں۔ ایک ایسی جگہ جہاں پرائیویٹ خاندانی معاملات کو عالمی سطح پر نہیں اچھالا جاتا۔
انہوں نے کہا کہ اس کے لیے اس جگہ کو بچانے کی کوشش میں، میں نے اپنی بیوی کے خاندان کے ایک رکن کے ساتھ ہونے والی بحث سے پیدا ہونے والے دعووں کا مقابلہ نہ کرنے پر اتفاق کیا جو ہمارے گھر میں داخل ہوا تھا۔
گیگی حدید کی والدہ یولینڈا کے ساتھ اپنے تنازعہ کا حوالہ دیتے ہوئے، زین ملک نے کہا کہ یہ معاملہ "نجی” ہے۔
انہوں نے بیان کے اختتام پر کہا کہ میں بہتری کے لئے پرامید ہوں اور اس سے بھی اہم بات یہ ہے کہ میں کھائی کی حفاظت کے لیے ہر دم تیار رہتا ہوں اور اسے وہ رازداری فراہم کرتا ہوں جس کی وہ حقدار ہیں۔
یاد رہے کہ 28 سالہ زین ملک اور 26 سالہ گیگی حدید نے نومبر 2015 میں تعلقات قائم کئے۔ انہوں نے مارچ 2018 میں علیحدگی کا اعلان کیا لیکن جلد ہی دوبارہ ایک ہو گئے۔
جنوری 2020 میں ایک دفعہ پھر ان کے تعلقات قائم ہونے کی خبریں آئیں۔
