مسلم لیگ (ن) کی نائب صدر مریم نواز نے اپنے ایک بیان میں کہا ہے کہ نواز شریف جلد عطن واپس آئیں گے جبکہ ان کی واپسی کے وقت کا تعین ن لیگ کرے گی۔ انہوں نے مزید دعوی کیا کہ موجودہ حکومت چند دنوں کی مہمان ہے جو چلی جائے گی۔
تفصیلات کے مطابق اسلام آباد ہائی کورٹ کے باہر میڈیا سے بات چیت کے دوران مریم نواز نے کہا کہ حکومت کی کارکردگی صرف بری ہی نہیں ہے بلکہ کارکردگی سرے سے ہے ہی نہیں ہے۔ مہنگائی، بے روزگاری، مری سانحہ اور نا جانے کیا کچھ ہے۔
انہوں نے کہا کہ ن لیگ آزمائشوں کے باوجود ٹوٹ پھوٹ کا شکار نہیں ہوئی ہے اور جس طرح کے مقدمات بنائے گئے مسلم لیگ نے ثابت قدمی کا مظاہرہ کیا ہے۔
انہوں نے کہا کہ عمران خان اقتدار میں ہونے کے باوجود اپنے ممبران کی عزت نہیں کرتے۔مریم نواز نے کہا کہ یہ حکومت ہفتہ یا مہینے نہیں بلکہ صرف چند دنوں کی مہمان ہے۔
یہ بھی پڑھیں | اپوزیشن کے شدید احتجاج کے باوجود حکومت منی بجٹ پاس کروانے میں کامیاب
صورتحال سے اندازہ ہوتا ہے کہ ان کا انجام قریب ہے، ان کی نااہلی سے جتنی جلدی جان چھڑائی جائے اتنا اچھا ہے، پاکستان یہ حکومت ایک دن کے لیے بھی برداشت نہیں کر سکتا
انہوں نے کہا کہ مری میں لوگ حکومت کی نااہلی کی وجہ سے فوت ہوئے ہیں۔ عوام اب ایک دن کے لئے بھی یہ حکومت برداشت نہیں کرسکتی ہے۔
ان کا کہنا تھا کہ شیخ رشید بیانات نا دیں بلکہ سیدھی طرح سانحہ مری کا جواب دیں۔ حکومت اپنی نا اہلی چھپا رہی ہے۔
