جمہوریہ ازبکستان کے وزیر خارجہ بختیار سیدوف آج بدھ کو دو روزہ سرکاری دورے پر اسلام آباد، پاکستان پہنچ گئے ہیں۔
تفصیلات کے مطابق ازبک وزیر خارجہ کی آمد پر وزارت خارجہ کے ڈائریکٹر جنرل (وسطی ایشیا اور ای سی او) اعزاز خان نے ان کا پرتپاک استقبال کیا۔
دورے کے دوران وزیر خارجہ بختیار سیدوف وزیر اعظم شہباز شریف سے ملاقات کریں گے اور نائب وزیر اعظم اور وزیر خارجہ اسحاق ڈار کے ساتھ باہمی دلچسپی کے وسیع تر دو طرفہ امور پر جامع بات چیت کریں گے جن میں تجارت اور تعلقات پر خصوصی بات کی جائے گی۔
جمہوریہ ازبکستان کے وزیر خارجہ کے پاکستان دورے سے دونوں ممالک کے درمیان دوستانہ تعلقات کو نئی تحریک ملنے کی امید ہے۔
