مشہور ٹک ٹاکر ثنا یوسف کو پیر کے روز اسلام آباد میں ان کے گھر کے باہر فائرنگ کر کے قتل کر دیا گیا۔ ابتدائی اطلاعات کے مطابق یہ واقعہ کسی ذاتی جھگڑے یا تنازعے کا نتیجہ بتایا جا رہا ہے۔
یہ افسوسناک واقعہ تھانہ سمبل کی حدود میں پیش آیاہے۔ ثنا یوسف جو کہ چترال سے تعلق رکھتی تھیں کو ان کے گھر کے باہر ایک شخص نے آ کر بات چیت کے بعد اچانک گولی مار دی۔
حملہ آور نے دو گولیاں چلائیں جو انہیں لگیں اور وہ موقع پر ہی دم توڑ گئیں۔
اسلام آباد میں ٹک ٹاکر کو قتل کردیا گیا#ARYNews pic.twitter.com/qJUpaDMpc6
— ARY NEWS (@ARYNEWSOFFICIAL) June 2, 2025
ان کی لاش کو پوسٹ مارٹم کے لیے پمز اسپتال منتقل کیا گیا جہاں قانونی کارروائی مکمل ہونے کے بعد میت کو اہلِ خانہ کے حوالے کر دیا گیا۔
پولیس نے جائے وقوعہ سے شواہد اکٹھے کر لیے ہیں اور قریبی علاقوں کے سی سی ٹی وی کیمروں کی مدد سے تفتیش جاری ہے۔
یہ بھی پڑھیں : رجب بٹ ایک بار پھر متنازع : توہین مذہب کے تحت مقدمات درج
