تحریک انصاف زرداری مافیا کو سندھ میں شکست دے گی، عمران خان
سابق وزیراعظم اور پاکستان تحریک انصاف (پی ٹی آئی) کے سربراہ عمران خان نے کہا ہے کہ ان کی پارٹی سندھ میں ’زرداری مافیا‘ کو شکست دے گی۔
عمران خان نے پی ٹی آئی سندھ کے رہنما خرم شیر زمان سے ملاقات کے دوران اپنے خیالات کا اظہار کرتے ہوئے کہا کہ زرداری گروپ نے سندھ کے لوگوں کو یرغمال بنا رکھا ہے۔ اس ملاقات میں سندھ میں پارٹی رہنماؤں اور کارکنوں کی گرفتاری سمیت سیاسی صورتحال پر تبادلہ خیال کیا گیا۔
خرم شیر زمان نے عمران خان کو سندھ میں پارٹی کے ایم پی ایز کی پیشرفت رپورٹ پیش کی۔
ملاقات میں عمران خان کے متوقع دورہ سندھ پر بھی تبادلہ خیال کیا گیا۔
اس موقع پر گفتگو کرتے ہوئے سابق وزیراعظم نے کہا کہ سندھ کے عوام خود کو الیکشن کے لیے تیار کریں اور سندھ کے عوام کو زرداری مافیا سے نجات دلانے کا عزم کیا۔
یہ بھی پڑھیں | آرمی چیف جنرل عاصم منیر کون ہیں؟ جانئے
