بابر اعظم کو ورلڈ کپ کے پرومو میں شامل نا کرنے ہر شعیب اختر کا رد عمل
پاکستان کے سابق فاسٹ بولر شعیب اختر نے ورلڈ کپ 2023 کے پرومو میں کپتان بابر اعظم کو شامل نہ کرنے پر انٹرنیشنل کرکٹ کونسل (آئی سی سی) پر اپنی مایوسی کا اظہار کیا۔
شعیب اختر نے ورلڈ کپ کے پرومو تنازعہ کے بارے میں بات کی۔ انہوں نے ٹویٹر پر لکھا کہ جس نے سوچا کہ ورلڈ کپ کا پرومو پاکستان اور بابر اعظم کی اہم موجودگی کے بغیر مکمل ہو جائے گا، اس نے حقیقت میں خود کو ایک مذاق کے طور پر پیش کیا ہے۔ آئی سی سی نے اس ہفتے کے شروع میں ورلڈ کپ 2023 کا پرومو جاری کیا،جس میں بالی ووڈ اسٹار شاہ رخ خان مرکزی کردار میں ہیں۔
یہ بھی پڑھیں | عائشہ نسیم کا کرکٹ کو الوداع، وجہ بتا دی
بابر اعظم کو نظر انداز کرنے پر آئی سی سی پر تنقید
دنیا بھر کے کرکٹ شائقین نے ون ڈے کے نمبر ایک بلے باز ہونے کے باوجود پرومو میں بابر اعظم کو نظر انداز کرنے پر آئی سی سی کو تنقید کا نشانہ بنایا۔
کرکٹ برادری نے یہ بھی محسوس کیا کہ پرومو صرف ہندوستانی کرکٹ ٹیم کے گرد گھومتا ہے کیونکہ اس تقریب کی میزبانی بورڈ آف کنٹرول فار کرکٹ ان انڈیا کرے گا۔ بہت سے لوگوں نے آئی سی سی ورلڈ کپ کے پرومو کو "بی سی سی آئی پرومو” یا "انڈیا نیشنل کرکٹ ٹیم پرومو” قرار دیا۔
