صرف 5 منٹ میں انٹرنیشنل ڈرائیونگ لائسنس حاصل کریں

انٹرنیشنل ڈرائیونگ پرمٹ (IDP) جسے عام طور پر انٹرنیشنل ڈرائیونگ لائسنس بھی کہا جاتا ہے ایک ایسا مفید دستاویز ہے جو آپ کو دنیا کے 150 سے زائد ممالک میں قانونی طور پر گاڑی چلانے کی اجازت دیتا ہے۔ یہ آپ کے قومی ڈرائیونگ لائسنس کو مختلف بین الاقوامی زبانوں میں ترجمہ کر کے پیش کرتا ہے۔ تاہم یہ یاد رکھنا ضروری ہے کہ IDP آپ کے اصل لائسنس کا متبادل نہیں بلکہ صرف اسی کے ساتھ استعمال کیا جا سکتا ہے۔

یہ لائسنس 1949 کے جنیوا کنونشن اور 1968 کے ویانا کنونشن برائے روڈ ٹریفک کے تحت تسلیم شدہ ہے۔ بیرون ملک مقیم پاکستانیوں کے لیے دیگر غیر ملکیوں کی طرح ان کے میزبان ملک میں گاڑی چلانے کے لیے IDP لازمی ہے۔

پنجاب ٹریفک پولیس نے اس سہولت کو مزید آسان بنانے کے لیے لاہور کے علامہ اقبال انٹرنیشنل ایئرپورٹ پر پاکستان کا پہلا انٹرنیشنل ڈرائیونگ پرمٹ (IDP) کِیوسک متعارف کروا دیا ہے۔ اس جدید سروس کی مدد سے اب پاکستانی شہری صرف پانچ منٹ میں اپنا انٹرنیشنل ڈرائیونگ لائسنس حاصل کر سکتے ہیں۔

پاکستان کا پہلا ٹریفک کیاسک جو کسی بھی انٹرنیشنل ائیرپورٹ پر شہریوں کی سہولت کیلئے لگایا گیا ھے۔ سی ٹی او لاھور ڈاکٹر محمد اطہر وحید نے لاھور ائیرپورٹ پر افتتاح کر دیا۔ شہری صرف 5 منٹ میں اپنا انٹرنیشنل ڈرائیونگ لائسنس حاصل کر سکتے ھیں جس کی بدولت وہ 132 ممالک میں گاڑی چلا سکتے… pic.twitter.com/7q1OQRnDdO

— Punjab Police Official (@OfficialDPRPP) June 30, 2025

اس منصوبے کا افتتاح چیف ٹریفک آفیسر لاہور ڈاکٹر محمد اطہر وحید نے کیا ہے۔ ان کا کہنا تھا:

"یہ اقدام ہمارے ٹریفک نظام کو جدید بنانے اور عوام کو اہم مقامات پر سہولیات فراہم کرنے کے عزم کی عکاسی کرتا ہے۔”

انٹرنیشنل ڈرائیونگ لائسنس کی فیس:

مختلف گاڑیوں کی اقسام کے لحاظ سے فیس کی تفصیل درج ذیل ہے