ارتغرل غازی ڈرامے میں ارتغرل کے کردار سےمشہور ہونے والے ترک اداکار جن کا اصل نام سنگین آلتان ہے، اسلام آباد میں موجود ایک نجی ہاؤسنگ سوسائٹی کے برانڈ ایمبیسیڈر بن گئے ہیں۔
سوشل میڈیا میں اس حوالے سے کچھ خبریں گردش کر رہی ہیں جن کہا جا رہا ہے کہ ارتغرل غازی جلد پاکستان آئیں گے اور نجی سوسائٹی میں قائم بلیو مسجد کے ریپلیکا کا افتتاح بھی کریں گے۔
نجی نیوز چینل کے مطابق اس حوالے سے ترک اداکار کے نجی سوسائٹی کے ساتھ معاہدے پر بھی دستخط ہو چکے ہیں۔
زرائع کے مطابق پاکستانی سفارت خانے کی جانب سے ترک اداکار کو ویزہ بھی جاری کر دیا گیا ہے اور رواں ماہ وہ پاکستان کا دورہ بھی کریں گے اور اسی دوران نجی سوسائٹی میں قائم مسجد کا سنگ بنیاد رکھیں گے۔
اس سے پہلے ارتغرل غازی کا کردار ادا کرنے والے اداکار شدید بیمار بچوں سے وڈیو لنک کے زریعے ملاقات کر چکے ہیں جبکہ یوم آزادی پاکستان کے موقع پر اردو میں پاکستانیوں کو جشن آزادی کی مبارکباد بھی دے چکے ہیں۔
