پنجاب سیف سٹیز اتھارٹی (PSCA) نے شہریوں کی سہولت کے لیے آن لائن ای چالان ریویو سسٹم متعارف کروا دیا ہے۔ یہ سروس اُن لوگوں کے لیے ہے جنہیں غلط ٹریفک چالان موصول ہوتا ہے اور وہ بغیر ای میلز، لمبے شکایتی عمل کےاُسے درست کروانا چاہتے ہیں۔
آسان رسائی سرکاری ویب سائٹ کے ذریعے
یہ سہولت سرکاری ویب پیج echallan.psca.gop.pk پر دستیاب ہے۔ شہری یہاں لاگ اِن ہو کر غلط جاری ہونے والے چالان کے خلاف شکایت درج کر سکتے ہیں اور ثبوت کے طور پر تصاویر یا دستاویزات اپ لوڈ کر سکتے ہیں
شکایت درج کرنے کے بعد پی ایس سی اے کی ویریفکیشن ٹیم موقع پر تحقیقات کرتی ہے۔ اگر شکایت درست پائی جائے تو غلط چالان خودکار طریقے سے کینسل کر دیا جاتا ہے۔ یہ نیا نظام اُس پرانے طریقۂ کار سے کہیں بہتر ہے جس میں کئی ہفتوں تک فالو اپ کرنا پڑتا تھا۔
ای چالان حاصل کرنے کے مختلف طریقے
اب ای چالان صرف کورئیر سروس تک محدود نہیں رہا۔ ایکسائز اینڈ ٹیکسیشن ڈیپارٹمنٹ نے موبائل فون پر ایس ایم ایس اور واٹس ایپ پیغامات کے ذریعے بھی چالان کی تفصیلات بھیجنے کا نظام شروع کر دیا ہے۔ اس طرح شہری بروقت اطلاع پا کر لیٹ فیس سے بچ سکتے ہیں
آن لائن رجسٹریشن کے ذریعے صارفین یہ سب کچھ دیکھ سکتے ہیں:
ساتھ منسلک تصاویر اور شواہد
جرمانے کی ادائیگی کی صورتحال
یہ سہولت پورے عمل کو شفاف بناتی ہے اور ڈرائیورز کو اپنے ٹریفک ریکارڈ کو صاف رکھنے میں مدد دیتی ہے۔
اپنا ای چالان آن لائن ریویو کیسے کریں؟
ویب سائٹ echallan.psca.gop.pk پر جائیں
CNIC اور گاڑی کے رجسٹریشن نمبر سے لاگ اِن کریں
اُس چالان کو منتخب کریں جسے ریویو کرنا ہے
ثبوت کے طور پر تصاویر یا دستاویزات اپ لوڈ کریں
شکایت درج کریں اور ویریفکیشن کا انتظار کریں
اگر چالان غلط ہوا تو ویریفکیشن کے بعد فوراً منسوخ کر دیا جائے گا
ڈیجیٹل پنجاب کی طرف ایک قدم
یہ نیا ای چالان ریویو سسٹم پی ایس سی اے کے ڈیجیٹائزیشن اور عوامی سہولت کے عزم کو ظاہر کرتا ہے۔ اس اقدام سے شہریوں کی پریشانی کم ہوگی ٹریفک قوانین پر منصفانہ عمل درآمد یقینی ہوگا اور عوام و حکام کے درمیان اعتماد مزید مضبوط ہوگا۔
