آصف زرداری کی موت کی خبروں کی حقیقت
سوشل میڈیا پر پاکستان پیپلز پارٹی (پی پی پی) کے رہنما آصف علی زرداری کی موت سے متعلق افواہیں زیر گردش ہیں۔
پاکستان کے سابق صدر آصف زرداری کی ایک مبینہ تصویر بھی گردش کر رہی ہے جس متعلق کچھ صارفین کا کہنا ہے کہ آصف زرداری انتقال کر گئے ہیں جب کہ بعض کا دعویٰ ہے کہ ان کی حالت تشویشناک ہے۔ تاہم آزاد زرائع کے مطابق موت کی خبریں محض افواہیں ہیں۔
زرائع کا یہ بھی کہنا ہے کہ بلاول بھٹو زرداری، وزیراعلیٰ سندھ مراد علی شاہ، شرجیل میمن اور فریال تالپور دبئی روانہ ہوگئے ہیں جہاں آصف زرداری اسپتال میں داخل ہیں۔
یوٹیوبر طارق متین بھی ان لوگوں میں شامل تھے جنہوں نے جھوٹے دعوے کے ساتھ وسیع پیمانے پر گردش کرنے والی تصویر شیئر کی۔ تاہم وہ تصویر پرانی ہے اور موت سے متعلقہ نہیں ہے۔
