نواز شریف اور مریم نواز کی سعودی ولی عہد سے ملاقات
ایک نجی ٹی وی چینل کی خبر کے مطابق پاکستان مسلم لیگ ن کے سربراہ نواز شریف اور سینئر نائب صدر مریم نواز نے جمعہ کو سعودی ولی عہد شہزادہ محمد بن سلمان سے ملاقات کی۔
ملاقات کے دوران فریقین نے پاکستان کو درپیش موجودہ مسائل اور ان کے حل پر تفصیلی تبادلہ خیال کیا۔ ٹی وی چینل کے مطابق سابق وزیراعظم اور ولی عہد کے درمیان ملاقات مثبت رہی۔
تین بار وزیر اعظم رہنے والے اور مسلم لیگ ن کے چیف آرگنائزر اس وقت سعودی عرب میں ہیں کیونکہ انہوں نے اپنے خاندان کے دیگر افراد کے ساتھ عمرہ ادا کیا ہے۔
یہ بھی پڑھیں | پی ٹی آئی سے مذاکرات بندوق کی نوک پر نہیں ہوسکتے، بلاول بھٹو
مریم اورنگزیب کی ملاقات کی تصدیق
وزیراطلاعات مریم اورنگزیب نے ٹوئٹر پر کہا کہ محمد نواز شریف نے سعودی عرب کے وزیراعظم ولی عہد محمد بن سلمان سے ملاقات کی۔ اس موقع پر مریم نواز بھی موجود تھیں۔
رہنماؤں نے سعودی پاک برادرانہ تعلقات کو مزید بہتر بنانے اور پاکستان کو درپیش مسائل کے حل پر تبادلہ خیال کیا۔
نواز شریف نے سعودی قیادت کے لیے نیک خواہشات کا اظہار کیا۔
یاد رہے کہ اس ماہ کے شروع میں، ذرائع نے دعویٰ کیا تھا کہ سعودی عرب کے شاہ سلمان بن عبدالعزیز آل سعود نے نواز شریف اور وزیر اعظم شہباز شریف کو جذبہ خیر سگالی کے طور پر عمرہ ادا کرنے کے لیے مملکت میں مدعو کیا ہے۔
