پیپلرز پارٹی نے کوویڈ۱۹ کی تیسری لہر کے پیش نظر ریلی کینسل کر دی

اتوار کے روز پیپلز پارٹی نے بتایا کہ وہ کرونا وائرس کی تیسری لہر کے پیش نظر این اے 249 کے ضمنی انتخابات سے قبل کراچی میں طے شدہ ریلی منسوخ کررہی ہے۔

پیپلرز پارٹی نے ضمنی انتخاب سے قبل جلسے کے لئے مکمل تیاریاں کر رکھی تھیں جس میں ان کے امیدوار عبدالقادر مندوخیل 29 دیگر امیدواروں کے خلاف مقابلہ میں ہیں۔ 

مسلم لیگ (ن) کی جانب سے شہر میں اپنی انتخابی ریلی کو منسوخ کرنے کے بعد یہ پیشرفت سامنے آئی ہے۔ مسلم لیگ (ن) کی نائب صدر مریم نواز ہفتے کے روز پہنچنے والی تھیں لیکن پارٹی نے اعلان کیا کہ وہ اب سفر نہیں کریں گی۔

 تین دن قبل اس حلقے کے ضلعی ریٹرننگ آفیسر ندیم حیدر نے کہا تھا کہ الیکشن کمیشن آف پاکستان نے پیپلز پارٹی ، ایم کیو ایم اور پی ٹی آئی کی جانب سے این اے 249 کے ضمنی انتخابات ملتوی کرنے کی درخواست کو مسترد کردیا ہے۔

 ضمنی انتخابات میں کوئی تبدیلی نہیں ہوئی ہے۔ ڈی آر او نے بتایا کہ ضمنی پول 29 اپریل کو ہوگا۔ حکومت سندھ ، پی ٹی آئی اور ایم کیو ایم نے الیکشن کمیشن آف پاکستان (ای سی پی) کو لکھے گئے خط میں این اے 249 کے ضمنی انتخاب کو کورونا وائرس کی تیسری لہر تک ملتوی کرنے کی درخواست کی تھی۔

یہ بھی پڑھیں | کوویڈ19 ایس او پیز پر عمل درآمد کرنے کے لئے فوج میدان میں آ گئی

 اس اقدام کی مسلم لیگ (ن) نے مخالفت کی تھی۔ ای سی پی نے این اے 249 میں ضمنی انتخابات کے دوران کورونا وائرس ایس او پیز کو سختی سے نافذ کرنے کا حکم دیا ہے۔ 

زرائع کے مطابق کورونا وائرس ایس او پیز کے نفاذ کے لئے خصوصی عملہ بھی تعینات کیا جائے گا۔

جاویریہ حارث

جاویریہ حارث اردو خبر میں پاکستان میں مقیم مصنف اور سابق ایڈیٹر ہیں۔

سبسکرائب
کو مطلع کریں
guest
0 Comments
Inline Feedbacks
View all comments
0
آپ اس متعلق کیا کہتے ہیں؟ اپنی رائے کمنٹ کریںx
()
x