پرویز خٹک نے پارٹی عہدوں سے استعفی دے دیا
پاکستان تحریک انصاف (پی ٹی آئی) کے رہنما پرویز خٹک نے پارٹی چیئرمین عمران خان کی گرفتاری کے بعد 9 مئی کے واقعات کے تناظر میں پارٹی کے تمام عہدوں سے مستعفی ہونے کا اعلان کر دیا ہے۔
جمعرات کو اسلام آباد میں پریس کانفرنس کرتے ہوئے پرویز خٹک نے کہا کہ 9 مئی کو کچھ اچھا نہیں ہوا۔ میں اس واقعے کی پہلے بھی مذمت کر چکا ہوں۔ اللہ کرے کہ ایسا واقعہ دوبارہ نہ ہو۔
انہوں نے کہا کہ ملک کا سیاسی ماحول خراب ہے۔ میں نے پارٹی کا عہدہ چھوڑنے کا فیصلہ کیا ہے۔ وستوں سے مشاورت کے بعد مستقبل کے لائحہ عمل کا فیصلہ کروں گا۔
پرویز خٹک کون ہیں؟
یاد رہے کہ پرویز خٹک خیبرپختونخوا میں پاکستان تحریک انصاف کے صوبائی صدر تھے۔ وہ 2013 سے 2018 تک پی ٹی آئی کے دور میں کے پی کے وزیر اعلیٰ رہے۔
واضح رہے کہ 9 مئی کے واقعے کے بعد سے پی ٹی آئی کے 100 سے زائد رہنما اور قانون ساز پارٹی سے علیحدگی اختیار کر چکے ہیں جب کہ اسد عمر نے بھی پارٹی کے عہدے سے مستعفی ہونے کا اعلان کیا ہے۔
یہ بھی پڑھیں | نیپرا نے کے الیکٹرک صارفین کے لیے بجلی کے نرخوں میں کمی کردی
ایک روز قبل پی ٹی آئی کے سابق رہنما فواد چوہدری نے اپنے سابق ساتھیوں عمران اسماعیل، عامر کیانی اور محمود مولوی کے ہمراہ اڈیالہ جیل کا دورہ کیا اور پی ٹی آئی کے وائس چیئرمین شاہ محمود قریشی سے تقریباً 90 منٹ تک ملاقات کی۔
یہ ملاقات اس وقت ہوئی جب پی ٹی آئی کے ناراض رہنما جہانگیر ترین مبینہ طور پر نئی سیاسی جماعت بنانے کا اعلان کرنے والے ہیں۔
