جون 11 2020: (جنرل رپورٹر) عوام کی جانب سے ایس او پیز پر عمل درآمد نا کرنے کے باعث پاکستان میں کورونا مریضوں کی تعداد میں تیزی سے اضافہ ہوا ہے- اب تک پاکستان میں کورونا مریضوں کی تعداد 1لاکھ 19 ہزار سے تجاوز مر چکی ہے جبکہ 2 ہزار سے زائد اموات بھی ہو چکی ہیں
پاکستان مریضوں کی فہرست کے لحاظ سے چین اور سعودیہ عرب کو بھی کراس کر کے 15ویں نمبر پر آ چکا ہے
کرونا وائرس کی بڑھتی ہوئی تباہ کاریوں نے پچھلے چوبیس گھنٹوں میں مزید 101 افراد کی جان لے لی- تازہ ترین اطلاعات کے مطابق پچھلے چوبیس گھنٹوں میں 26،573 ٹیسٹ کئے گئے جن میں سے 5،834 کنفرم کیسز نکلے جبکہ اسی دوران 101 افراد زندگی کی بازی سے ہاتھ دھو بیٹھے
یاد رہے کہ پاکستان میں اب تک کرونا وائرس کے تقریبا 780،835 ٹیسٹ ہوئے جس میں سے 113،005کرونا کے مریض (کنفرم کیسز) نکلے ہیں- گورنمنٹ آف پاکستان کی کرونا وائرس آگاہی کے متعلق ویب سائٹ پر دئیے گئے اعداد و شمار کے مطابق کرونا وائرس سے اب تک 2،356 اموات ہو چکی ہیں جبکہ92 کی حالت خطرے میں ہے- مزید برآں یہ کہ اب تک 38،391 افراد صحتیاب ہو چکے ہیں جو کہ خوش آئیند بات ہے-اگر ہم صوبہ کے لحاظ سے جائزہ لیں تو گورنمنٹ آف پاکستان کے سرکاری اعداد و شمار کے مطابق پنجاب میں 45،463کیسز ہیں جبکہ سندھ میں 43،790, خیبرپختونخواہ میں 15،206, آزاد جموں کشمیر میں 488, گلگت بلستان میں 1،018 اور وفاق میں 6،236کیسز ہیں
دیکھا جائے تو دیگر ممالک کی طرح پاکستان میں بھی کرونا کی صورتحال بگڑتی دکھائی دے رہی ہے- ایک طرف کرونا کا خوف تو دوسری جانب ترقی پذیر ملک ہونے کے ناطے بھوک اور غربت بھی اہم.مسئلہ کے طور پر ایک بار اجاگر ہونے لگی ہے-تاہم تجزیہ نگار اس بات پر بھی متفق ہیں کہ کرونا وائرس نے ایشیاء کے ممالک کو کم متاثر کیا ہے بنسبت یورپ کے- یاد رہے کہ یہ تمام معلومات گورنمنٹ آف پاکستان کی کرونا وائرس سے آگاہی مہم کی ویب سائٹ سے لی گئی ہے
