قومی اسمبلی (این اے) اجلاس میں وزیر اعظم عمران خان کو 178 اعتماد کے ووٹ ملے ہیں جس سے وہ کامیاب ہو چکے ہیں۔ اجلاس کا آغاز تلاوت کلام پاک اور قومی ترانے سے ہوا۔ 

وزیر خارجہ شاہ محمود قریشی نے پارلیمنٹ کے ایوان زیریں میں قانون سازوں سے اعتماد کا ووٹ مانگنے کے لئے قرارداد پیش کی۔ 

قرارداد میں کہا گیا ہے: یہ ایوان اسلامی جمہوریہ پاکستان کے وزیر اعظم جناب عمران خان پر اعتماد بحال کرتا ہے ، جیسا کہ اسلامی جمہوریہ پاکستان کے آئین کے آرٹیکل 91 کی شق (7) کے تحت ضرورت ہے۔ بعد ازاں اسپیکر این اے اسد قیصر نے قرارداد کو پڑھ کر سنایا۔ انہوں نے قرارداد کے حق میں ووٹ ڈالنے کے خواہشمند افراد سے کہا کہ وہ لابی کے دائیں طرف کی جانب بڑھیں۔

 دریں اثنا ، وزیر اعظم عمران خان ایوان میں موجود ہیں ، جبکہ پی ٹی آئی کے ممبران اور اتحادی ممبران بھی این اے اجلاس میں شریک ہیں۔ اپوزیشن نے اجلاس کا بائیکاٹ کیا ہے۔ 

یہ بھی پڑھیں | پی ایس ایل 2021 کے بقیہ میچز مئی میں ہونے کے چانسز ہیں

ذرائع کے مطابق حکمران اتحاد کے 341 ممبران قومی اسمبلی میں 180 ووٹ ہیں جبکہ اپوزیشن اتحاد کے 160 ووٹ ہیں۔ وزیر اعظم کو 171 ووٹ حاصل کرنے تھے جبکہ وزیر اعظم 178 ووٹ لے کر کامیاب ہو چکے ہیں۔

 یاد رہے کہ قومی اسمبلی سے اعتماد میں ووٹ حاصل کرنے کے لئے وزیر اعظم عمران خان نے حکمران پاکستان تحریک انصاف کے تمام ایم این اےز کو ہدایت کی تھی کہ وہ آج ہفتہ کو ایوان میں بروقت موجودگی کو یقینی بنائیں۔

 پارٹی چیئرمین کی حیثیت سے پی ٹی آئی کے ایم این اے کو لکھے گئے خط میں ، وزیر اعظم عمران خان نے کہا تھا کہ آپ کو پارٹی کی ہدایت کے مطابق وزیر اعظم پر اعتماد کے ووٹ کے لئے قرارداد پر ووٹنگ میں حصہ لینے کی ضرورت ہے۔

 وزیر اعظم نے  ارکان کو متنبہ کیا تھا کہ غیر حاضر ایم این اے کے خلاف آئین کے آرٹیکل-اے کے تحت کارروائی کی جائے گی۔

  ملک کی تاریخ میں عمران خان دوسرے وزیر اعظم ہیں جنہوں نے قومی اسمبلی سے اعتماد کا ووٹ مانگا۔