حکومت کو 72 گھنٹے کا الٹی میٹم
ٹی ایل پی پیٹرول قیمتیں واپس لینے کے لئے حکومت کو 72 گھنٹے کا الٹی میٹم
تحریک لبیک پاکستان (ٹی ایل پی) نے وفاقی حکومت کو پیٹرولیم مصنوعات کی قیمتوں میں اضافہ واپس لینے کے لیے 72 گھنٹے کا الٹی میٹم دیتے ہوئے خبردار کیا ہے کہ اگر قیمتوں میں کمی نہ کی گئی تو حکومت کو سنگین نتائج کا سامنا کرنا پڑے گا۔
حکومت نے بدھ کے روز پٹرول کی قیمت میں 22.20 روپے اور ڈیزل کی قیمت میں 17.20 روپے فی لیٹر تک اضافہ کیا تھا۔
سعد رضوی کی پریس کانفرنس
تفصیلات کے مطابق جمعہ کو لاہور میں ایک پریس کانفرنس کے دوران ٹی ایل پی کے سربراہ سعد حسین رضوی نے کہا کہ اگر حکومت نے قیمتوں میں اضافہ واپس نہ لیا تو پارٹی وہی کرے گی جس کے لیے اسے جانا جاتا ہے- انہوں نے اپنے حالیہ احتجاجی دھرنوں اور مارچوں کی طرف اشارہ کیا۔
سعد رضوی نے کہا کہ میں حکومت کو 72 گھنٹے کا الٹی میٹم دے رہا ہوں کہ وہ پٹرولیم مصنوعات کی قیمتوں میں اضافہ فوری طور پر واپس لے۔
.یہ بھی پڑھیں | آپ جیسے لیڈر مسلم لیگ ن کا فخر ہیں، مریم نواز کی خاقان عباسی سے لاہور اجلاس میں بات چیت
.یہ بھی پڑھیں | عارف علوی منی بجٹ میں رکاوٹ نہیں ڈالیں گے، عمران خان
قرضوں میں 23 فیصد اضافہ ہوا ہے
انہوں نے کہا کہ ملک کے حکمران 75 سال میں 23ویں بار انٹرنیشنل مانیٹری فنڈ (آئی ایم ایف) سے بھیک مانگ رہے ہیں، صرف ایک سال میں پاکستان کے قرضوں میں 23 فیصد اضافہ ہوا ہے۔ انہوں نے دعویٰ کیا کہ حکمران اب آئی ایم ایف کو ملک کے جوہری پلانٹس اور ہتھیاروں کی تنصیبات کا دورہ کرانے کا سوچ رہے ہیں۔
انہوں نے مزید کہا کہ غریب آدمی کو اس حد تک نچوڑا گیا ہے کہ وہ احتجاج کا سوچ بھی نہیں سکتا۔
حکومت کو اخراجات کم کرنے چاہیے
سعد رضوی نے کہا کہ حکومت کو اپنے وزیروں اور مشیروں کی فوج کو کم کرکے اپنے اخراجات کم کرنے چاہئیں۔ انہوں نے مطالبہ کیا کہ سیاستدانوں اور سرکاری اہلکاروں کو پیش کیے جانے والے پٹرول کو فوری طور پر بند کیا جائے کیونکہ وہ روزانہ "ملین لیٹر” استعمال کر رہے ہیں۔
اسلامی نظام ہی واحد امید ہے
انہوں نے مزید کہا کہ پارٹی کے عہدیداران کو چاہیے کہ وہ تاجر برادری سمیت ہر کسی کے پاس جائیں اور انہیں بتائیں کہ ٹی ایل پی ان کے ساتھ کھڑی ہے اور اسلامی نظام ہی واحد امید ہے۔
