وزیر اعظم شہباز شریف دو روزہ دورے پر ترکیہ جائیں گے

شہباز شریف 24 نومبر کو ترکی جائیں گے

وزیر اعظم شہباز شریف 24 نومبر کو ترکی کے دو روزہ سرکاری دورے پر روانہ ہوں گے۔ 

ذرائع کا کہنا ہے کہ وزیراعظم شہباز شریف صدر رجب طیب اردوان سے ون آن ون ملاقات کریں گے جس کے بعد وفود کی سطح پر بات چیت ہوگی۔

 ذرائع کا کہنا ہے کہ پاکستان ترکی دوطرفہ تعلقات کے تمام پہلوؤں کا احاطہ کرنے کے علاوہ دونوں رہنما علاقائی اور بین الاقوامی امور پر تبادلہ خیال کریں گے۔

یہ بھی پڑھیں | ارشد شریف اور عمران خان پر حملے کی پلاننگ لندن میں ہوئی، رہنما مسلم لیگ ن

یہ بھی پڑھیں | وزیر اعظم آفس کو آرمی چیف کی تعیناتی کے حوالے سے سمری موصول

 ان کا کہنا ہے کہ وزیراعظم ترکی میں ایک تقریب میں بھی شرکت کریں گے۔

خواجہ آصف اور دیگر سینئر وزراء بھی ان کے ہمراہ ہوں گے

وزیر اعظم شہباز شریف کے دو روزہ دورہ ترکی میں وزیر دفاع خواجہ آصف اور دیگر سینئر وزراء بھی ان کے ہمراہ ہوں گے۔ اپریل میں عہدہ سنبھالنے کے بعد یہ ان کا ترکی کا دوسرا دورہ ہوگا۔ 

 شہباز شریف کا بطور وزیراعظم پہلا دورہ استنبول 31 مئی کو ہوا جہاں انہوں نے ترک صدر رجب طیب اردوان سے ملاقات کی جس کے بعد وفود کی سطح پر بات چیت ہوئی۔