وزیراعظم شہباز شریف آج باکو میں آذربائیجان کے صدر سے ملاقات کریں گے

وزیراعظم محمد شہباز شریف آج جمعرات کو آذربائیجان کے دو روزہ سرکاری دورے پر باکو میں موجود صدر الہام علیوف سے ملاقات کریں گے۔

ملاقات کے بعد دونوں رہنما بعد میں میڈیا سے بات کریں گے۔ آذربائیجان کے وزراء کا ایک وفد بھی وزیراعظم سے ملاقات کرے گا جس میں دونوں ممالک کے درمیان تجارت اور توانائی کے شعبوں میں دوطرفہ تعاون پر تبادلہ خیال کیا جائے گا۔

 قبل ازیں وزیراعظم کی ایئرپورٹ آمد پر آذربائیجان کے پہلے نائب وزیراعظم یگوب ایوبوف، نائب وزیر خارجہ النور ممدوف، پاکستان میں آذربائیجان کے سفیر خضر فرہادوف اور آذربائیجان میں پاکستان کے سفیر بلال حئی نے ان کا استقبال کیا۔

باکو روانگی سے قبل وزیراعظم نے ایک ٹویٹ میں کہا کہ ترجیحی تجارتی معاہدے کو جلد حتمی شکل دینے کے علاوہ، وہ توانائی، بینکنگ، مالیاتی خدمات اور آئی ٹی کے شعبوں میں باہمی تعاون کے لئے آذربائیجان کی قیادت کے ساتھ اہم بات چیت کریں گے۔
یہ بھی پڑھیں | وزیر اعظم شہباز شریف دو روزہ دورے پر آزربائیجان روانہ