وزیراعظم اور سعد ایدھی کا کورونا ٹیسٹ منفی

  اپریل 23  2020: (جنرل رپورٹر) وزیر اعظم عمران خان اور فیصل ایدھی کے بیٹے سعد ایدھی کا کورونا ٹیسٹ منفی آ گیا

تفصیلات کے مطابق فیصل ایدھی کے کورونا ٹیسٹ مثبت آنے کے بعد وزیر اعظم سمیت ایدھی خاندان کے کئی افراد نے کورونا ٹیسٹ کے لئے سیمپل دیا تھا تاہم وہ منفی آیا ہے

ایدھی زرائع کے مطابق سعد ایدھی سمیت دیگر 4 افراد کا کورونا ٹیسٹ کروایا گیا جبکہ تمام کا ٹیسٹ منفی آیا ہے- فیصل ایدھی کے کورونا ٹیسٹ مثبت آنے کے بعد وزیر اعظم ہاوس کے کئی افراد کا کورونا ٹیسٹ کروایا گیا جس میں سے وزیراعظم کا کورونا ٹیسٹ منفی آیا ہے

ایدھی زرائع نے مزید بتایا کہ ایدھی سینٹر کے انچارج سمیت ڈرائیور اور والنٹئیر کے ٹیسٹ کروائے گئے تاہم سب کے ٹیسٹ منفی آئے ہیں-  ان کا کہنا تھا کہ ہم مزید دیکھ رہے ہیں کہ فیصل ایدھی کے پچھلے دنوں کن کن احباب سے ملاقات ہوئی تھی

یاد رہے کہ ایدھی فاؤنڈیشن کے سربراہ فیصل ایدھی کا پچھلے دنوں کورونا ٹیسٹ مثبت آیا تھا جس کے بعد وہ ڈاکٹرز کی ہدایات کے مطابق قرنطینہ میں چلے گئے- نیز وزیراعظم سمیت دیگر ایدھی احباب کا کورونا ٹیسٹ کروایا گیا جو کہ منفی آیا ہے-

فیصل ایدھی کا کہنا ہے کہ تقریبا دس روز بعد دوبارہ کورونا کا ٹیسٹ کرواؤں گا- ہمارے ورکرز کے حوصلے پست نہیں بلند ہیں- ویلفئیر کا کام جاری رہے گا- ایدھی فاؤنڈیشن کے سربراہ فیصل ایدھی کو 16 اپریل کو سردرد اور بخار محسوس ہوا تھا جس پر دوستوں نے کورونا ٹیسٹ کروانے کا مشورہ دیا تھا

حرمین رضا

جاویریہ حارث اردو خبر میں پاکستان میں مقیم مصنف اور سابق ایڈیٹر ہیں۔