پاکستانی سٹار علیزے شاہ کو انسٹاگرام اکاؤنٹ پر ایک نئی ویڈیو شیئر کرنے کے باعث فالورز کی جانب سے ایک دفعہ ہھر شدید تنقید کا سامنا ہے۔

تفصیلات کے مطابق علیزے شاہ کی جانب سے اپنے انسٹاگرام کے سوشل میڈیا اکاؤنٹ پر ایک نئی ویڈیو شیئر کی گئی ہے جس میں انہوں نے مغربی لباس پہن رکھا ہے جو کہ مداحوں کو پسند نہیں آیا ہے۔

اداکارہ علیزے شاہ کو شاید صارفین کی تنقید کا علم تھا لہذا انہون نے پہلے سے ویڈیو کے کیپشن میں لکھا ہے کہ وہ کسی سے اجازت نہیں مانگ رہی ہیں۔

اس ویڈیو میں انہوں نے ٹی پنگ رنگ کا مغربی لباس پہنا ہوا ہے۔

تاہم متعدد انٹرنیٹ صارفین کی جانب سے کمنٹ کرتے ہوئے اداکارہ پر تنقید کی گئی ہے کہ وہ اس نئے روپ میں اچھی نہیں لگ رہی ہیں۔

مداحوں کا کہنا ہے کہ پہلے انہیں علیزے شاہ پسند تھیں مگر اب نہیں۔ ایک اور فالور نے کہا کہ شہرت حاصل کرنے کے لیے علیزے شاہ نے اپنی معصومیت ختم کر دی ہے۔

اس سے پہلے ایک موبائل لانچنگ تقریب میں بھی اداکارہ پر نازیبا لباس پہننے پر تنقید کی گئی تھی۔

یہ بھی پڑھیں | مایا علی کی طبیعت خراب ، اسپتال میں داخل

اس تنقید کے بعد گلوکارہ مومنہ مستحسن علیزے شاہ کے دفاع میں سامنے آ گئیں اور انہوں نے کہا کہ احترام کے ساتھ میں آپ سے اتفاق نہیں کرتی۔ علیزے شاہ اب بھی وہی ہے جو پہلے تھی تاہم صرف اس نے اپنے آپ کو مختلف انداز میں دکھایا ہے۔

مونہ مستحسن کا کہنا تھا کہ اگر علیزے مشہور نا ہوتیں تو آپ اور میں اس کے انسٹاگرام اکاؤنٹ پر ہوتے ہی نہیں۔

انہوں نے مزید کہا کہ ہمیں لوگوں کو اتنی آزادی دینی چاہیئے کہ وہ کھل کر اپنی بات کر سکیں۔

یادرہے کہ اداکارہ علیزے شاہ پچھلے کچھ عرصے سے لباس کی بناء پر مداحوں کی جانب سے تنقید کی زد میں ہیں۔

اداکارہ علیزے شاہ کی حال ہی میں اداکاری کی فیلڈ میں انٹری ہوئی تھی۔