مری میں بس الٹنے سے 28 افراد زخمی
ایک افسوسناک واقعے میں جمعہ کی شب مری میں بس الٹنے سے کم از کم 28 مسافر زخمی ہو گئے ہیں۔
تفصیلات کے مطابق 70 کے قریب مسافروں کو لے کر مری سے لاہور جانے والی بس بدقسمتی سے مری ایکسپریس وے پر الٹ گئی جس کے نتیجے میں 28 مسافر زخمی ہو گئے ہیں جنہیں ہسپتال منتقل کر دیا گیا۔
یہ بھی پڑھیں | قرآن کی بے حرمتی پر پابندی سے اظہار رائے کی آزادی پر فرق نہیں آئے گا: وزیر اعظم ڈنمارک
زخمیوں کی شناخت تاحال معلوم نہیں ہو سکی ہے۔
اسی طرح 31 مئی کو خانیوال میں پل سے پھسلنے کے بعد مسافر بس الٹنے سے 6 افراد جاں بحق اور 30 زخمی ہو گئے تھے۔ ریسکیو حکام کے مطابق واقعہ پل رنگو کے قریب پیش آیا۔
ان کا کہنا تھا کہ بدقسمت بس لاہور سے ملتان جا رہی تھی کہ حادثے کا شکار ہو گئی۔ انہوں نے مزید کہا کہ گاڑی کا ڈرائیور موٹر سائیکل کو ٹکر مارنے سے بچنے کی کوشش میں کنٹرول کھو بیٹھا تھا جس کی وجہ سے بس الٹ گئی۔
