مجھ میں کورونا کی علامات نہیں ہیں، محمد حفیظ

پاکستان کرکٹ ٹیم کے کھلاڑی محمد حفیظ کا کورونا ٹیسٹ پچھلے دنوں مثبت آیا تھا جس کے بعد انہوں نے اپنے مداحوں کے لئے ٹویٹر پر صحت سے متعلق ایپ ڈیٹس دیں-

پی سی بی کی جانب سے کروائے کھلاڑیوں کے کورونا ٹیسٹس میں سے محمد حفیظ کا ٹیسٹ بھی پازیٹو آیا تھا جس پر انہوں نے ٹویٹر پر اپنی صحت کے حوالے سے اپ ڈیٹ کرتے ہوئے کہا کہ الحمدللہ میں بلکل ٹھیک ہوں کورونا کی کوئی بھی علامات نہیں ہیں-

ان کی اس ٹویٹ کو اس لنک پر کلک کر کے پڑھا جا سکتا ہے-

Tested Corona positive acc to test arranged by PCB but Alham du Lillah I m absolutely fine and asymptomatic, immediately isolated myself from my family.i hv been Running, doing gym, practicing hard in last 2 weeks nd feeling absolutely fine. Waiting for my family test reports 🤲🏼

— Mohammad Hafeez (@MHafeez22) June 24, 2020

تفصیلات کے مطابق محمد حفیظ نے کہا کہ پی سی بی کی جانب سے کورونا کا ٹیسٹ کروانے پر پاوزیٹو آیا ہے مگر الحمدللہ مجھ میں کورونا کی کوئی علامت نہیں ہے- انہوں نے کہا کہ اللہ کا شکر ہے میں بلکل ٹھیک ہوں اور اب خود کو گھر میں ہی آئیسولیٹ کر لیا ہے-

ان کا کہنا تھا کہ وہ ہفتوں سے دوڑ بھی لگا رہے ہیں جم بھی کر رہے ہیں جبکہ سخت ٹریننگ جاری ہے اور وہ خود کو بہت بہتر محسوس کر رہے ہیں-

واضح رہے کہ دورہ انگلینڈ کے لئے منتخب پاکستانی ٹیم کے اسکواڈ کے پی سی بی کی جانب سے کورونا ٹیسٹ کروائے گئے تھے جس پر 10 کھلاڑیوں کے ٹیسٹ مثبت آئے ہیں یعنی ان میں کورونا کی تشخیص ہوئی ہے-

پی سی بی کی رپورٹ کے مطابق فخر زمان, عمران خان, کاشف بھٹی, محمد حفیظ , محمد رضوان, شاداب خان, حیدر علی, وہاب ریاض اور محمد حسنین کا بھی کورونا ٹیسٹ مثبت آیا ہے-

محمد حفیظ نے اپنی تازہ ترین ٹویٹ میں کہا کہ میں نے پرائیوٹ لیب سے کورونا ٹیسٹ کروایا تو وہ منفی آیا ہے- انہوں نے کورونا ٹیسٹ کے رزلٹ کی تصویر بھی اپنے سوشل میڈیا کے اکاؤنٹ پہ شئیر کی ہے-

ان کی اس تازہ ترین ٹویٹ کے بعد سرکاری کورونا ٹیسٹنگ لیبز پر سوالات اٹھ گئے ہیں کہ کیا سرکاری مشینیں خراب ہیں یا جان بوجھ کر کورونا مثبت لایا جا رہا ہے-

یاد رہے کہ اس سے پہلے بھی کئی کیسز میں ایسا ہوا کہ سرکاری لیب کے رزلٹ مثبت جبکہ نجی لیب کے رزلٹ منفی آئے ہیں-