قتل کی دھمکیوں پر پوجا بھٹ نے انسٹاگرام اکاؤنٹ پرائیوٹ کر دیا

بالی ووڈ کی مشہور اداکارہ اور فلم ڈائریکٹر مہیش بھٹ کی حال ہی میں ریحا چکربورتی کے ساتھ ہونے والی واٹس ایپ چیٹ لیک ہوئی ہے۔ اس لیک ہونے والی واٹس ایپ چیٹ کے بعد مہ8ش بھٹ کی بڑی بیٹی اور ماضی کی مشہور اداکارہ پوجا بھٹ کی جانب سے اپنی انسٹاگرام پروفائل کو پبلک سے ہرائیوٹ کر دیا گیا ہے۔

انسٹاگرام پرائیوٹ کئے جانے سے متعلق پوجا بھٹ نے اپنے ایک بیان میں کہا ہے کہ مجھے انسٹاگرام اکاؤنٹ پرجان سے مارنے، عصمت دری اور قتل کی دھمکیاں مل رہی تھیں جس کے باعث اپنے اکاؤنٹ کو پرائیوٹ کر لیا ہے۔

پوجا بھٹ نے بتایا کہ جب ان کی جانب سے قتل کی دھمکیاں ملنے پر انسٹاگرام پر رپورٹ کیا گیا تو انسٹاگرام کی جانب سے بتایا گیا کہ یہ باتیں ان کی کمیونٹی گائیڈ لائنز کے خلاف نہیں ہیں۔ بعد ازاںاس کے پوجا کی جانب سے ایک تحریر لکھی گئی جس میں انہوں نے بتایا کہ اگر ان کے چاہنے والے ان کی زندگی سے باخبر رہنا چاہتے ہیں تو وہ فالو کی درخواست دے سکتے ہیں۔ انہوں نے بتایا کہ میرے پاس نا تو اتنا وقت ہے اور نا ہی ہمت کہ میں نفرت کرنے والوں سے نفرت کروں یا جواب دوں بلکہ میں تو صرف محبت کرنے والوں کی محبت میں گم ہوں اور ان سے محبت کرنے میں مصروف ہوں۔

اپنے انسٹاگرام اکاؤنٹ کو پبلک سے پرائیوٹ کرنے کی وضاحت میں کہا کہ ایسے لگتا ہے کہ جیسے انسٹاگرام کوئی ایسی جگہ ہے جہاں کوئی شخص بھی کسی بھی شخص کے خلاف قتل اور عصمت دری کی بات کر سکتا ہے۔

انہوں نے مزید بتایا کہ میں عام طور طور پر ایسے لوگوں کو اگنور کر دیتی ہوں لیکن کوئی اگر آپ کو یا آپ کے خاندان کو جان سے مارنے کی دھمکی دے تو تو پھر کیا کرنا چاہیے۔ مجھے بہت سے لوگوں نے بلاک کرنے کا مشورہ دیا لیکن ایسے تو مثبت پیغامات جو لوگ پہنچاتے ہیں وہ بھی آنا بند ہو جائیں گے۔ تاہم انہوں نے بتایا کہ اب انہوں نے اپنے اکاؤنٹ کو پرائیوٹ رکھنے کا فیصلہ کر لیا ہے۔

ثاقب شیخ۔