تجزیہ نگار صحافی ہارون الرشید نے عمران خان پر تنقید کرتے ہوئے کہا ہے کہا ہے کہ انہیں کس نے کہا تھا کہ بلدیاتی الیکشن کروائیں۔ انہوں نے کہا کہ عمران خان کو پشاور میں ابھی بلدیاتی الیکشن نہیں کروانے چاہیے تھے۔
انہوں نے مزید کہا کہ عمران خان کی تحریک انصاف کا ٹکٹ دینے سے متعلق کوئی میکانزم نہیں ہے۔ آپ تو یہ بھی کہتے ہیں کہ ہم سروے پر یقین نہیں کرتے۔ اگر آپ سروے پر ہی یقین نہیں کرتے تو پھر ہم کیا کہہ سکتے ہیں۔
یہ بھی پڑھیں | وزیر اعظم کے وزراء آج گوادر کے مظاہرین سے بات کریں گے
ہارون الرشید نے کہا کہ دنیا کو 100 سال سے زائد ہو گئے سروے کرتے لیکن ایک دو فیصد کے فرق سے یہ سروے درست ہوتے ہیں۔ یہ سروے ضروری نہیں کہ ہار جیت سے متعلق ہو بلکہ امیدواروں کی مقبولیت کا بھی پتہ چلایا جا سکتا ہے۔
انہوں نے کہا کہ جب آپ کی تیاری ہی نا ہو تو آپ نے ہارنا ہی ہے اور کیا ہونا ہے۔
