بلال ناصر کے قتل کے خلاف احتجاج
ڈاکوؤں کے ہاتھوں یونیورسٹی کے طالب علم بلال ناصر کے قتل کے خلاف جمعہ کو این ای ڈی یونیورسٹی کے باہر طلباء اور نوجوانوں نے احتجاج کیا ہے۔
اس موقع پر اسلامی جمعیت طلبہ کراچی کے سربراہ بلال جمیل نے اعلان کیا کہ کراچی بھر کے تعلیمی اداروں میں آج (ہفتہ) کو یوم سیاہ منایا جائے گابجب کہ پیر کو این ای ڈی یونیورسٹی سے لاقانونیت اور پیپلز پارٹی کی حکومت کے خلاف ریلی نکالی جائے گی۔
طالب علم بلال ناصر کے لیے انصاف کا مطالبہ
جماعت اسلامی کراچی کے امیر انجینئر حافظ نعیم الرحمن نے مظاہرین سے خطاب کرتے ہوئے این ای ڈی یونیورسٹی کے نوجوان طالب علم بلال ناصر کے لیے انصاف کا مطالبہ کیا۔ طالب علم کو یونیورسٹی کے باہر ڈکیتی کے واقعے کے دوران مزاحمت کرنے پر گولی مار کر ہلاک کر دیا گیا تھا۔
یہ بھی پڑھیں | پولیس نے سندھ میں اعظم سواتی کے خلاف دائر کیس واپس لے لیا
یہ بھی پڑھیں | بلوچستان میں بلدیاتی انتخابات کے دوسرے مرحلے کے لیے پولنگ جاری
متاثرہ خاندان کے ساتھ اظہار یکجہتی کے لیے این ای ڈی کے طلبہ کے ساتھ ساتھ دیگر تعلیمی اداروں کے طلبہ کی ایک بڑی تعداد نے احتجاجی مظاہرے میں شرکت کی۔ ریلی کے شرکاء نے پلے کارڈز اور بینرز اٹھا رکھے تھے جن پر سندھ حکومت اور شہر میں جاری لاقانونیت کے خلاف شدید نعرے بازی کی گئی۔
پیپلز پارٹی کی حکومت کی شدید مذمت
مظاہرین سے خطاب کرتے ہوئے انجینئر حافظ نعیم الرحمن نے شہر میں لاقانونیت اور اس مسئلے کو حل کرنے کے لیے سیاسی عزم کے فقدان پر سندھ میں پیپلز پارٹی کی حکومت کی شدید مذمت کی۔
اس موقع پر انہوں نے آج 17 دسمبر بروز ہفتہ کو شہر بھر میں یوم سیاہ منانے کا اعلان کیا۔ انہوں نے بلال ناصر کے قتل میں ملوث ملزمان کی فوری گرفتاری کا مطالبہ کرتے ہوئے کہا کہ لاقانونیت اور سندھ حکومت کے خلاف تمام اضلاع میں احتجاجی مظاہرے کیے جائیں گے۔
انہوں نے کہا کہ سندھ میں پیپلز پارٹی کی حکومت نے میگا سٹی کو محض پیسے بٹورنے کا موقع اور کرپشن کی چراگاہ کے طور پر لیا ہے۔
