شیاؤمی موبائل کمپنی کا جنوری سے پاکستان میں موبائل بنانا شروع کرنے کا اعلان

پاکستان –

پاکستان اسٹاک ایکسچینج میں دائر کردہ ایک مادی انکشافی بیان میں انکشاف کیا گیا ہے کہ چینی سمارٹ فون کمپنی اور دنیا کا دوسرا سب سے بڑا مینوفیکچرر شیاؤمی کے ساتھ مل کر پاکستان میں اسمارٹ فونز تیار کرنے کا اعلان کیا ہے۔

 عالمی کنزیومر الیکٹرانکس اور اسمارٹ فون کی بڑی کمپنی شیاؤمی نے سلیکٹ ٹیکنالوجیز (پرائیویٹ) لمیٹڈ کے ساتھ اشتراک کیا ہے جو ائیر لنک کمیونیکیشن لمیٹڈ کی ایک مکمل ملکیتی ذیلی کمپنی ہے۔ 

 وزیر اعظم کے مشیر برائے تجارت و سرمایہ کاری عبدالرزاق داؤد نے بھی اس خبر کی تصدیق کی ہے۔

 ایک ٹویٹر پوسٹ میں عبدالرزاق داؤد نے کہا ہے کہ ‘میڈ ان پاکستان’ پالیسی کے مثبت نتائج سامنے آرہے ہیں کیونکہ شیاؤمی پاکستان میں اسمارٹ فونز کی تیاری شروع کردے گا۔

یہ بھی پڑھیں | اپنی مرضی کی گندی ویڈیوز بنائیں، عائشہ اکرام پر الزامات لگانے والوں کو جواب دیں۔

 عبد الرزاق کی ٹویٹ کے مطابق، پروڈکشن کی سہولت قائداعظم انڈسٹریل اسٹیٹ، لاہور میں قائم کی جائے گی اور ابتدائی طور پر ہر سال 2.5 سے 3 ملین ہینڈ سیٹس تیار کیے جائیں گے۔

 انہوں نے کہا کہ پیداواری سہولت جنوری 2022 میں فعال ہو جائے گی اور اس سے 3 ہزار براہ راست اور بالواسطہ ملازمتیں پیدا ہوں گی۔ 

ان سمارٹ فونز کی تیاری تقریباً 450 ملین ڈالر سالانہ آمدنی میں حصہ ڈالے گی۔

 ائیر لنک نے ان اعداد و شمار کو اپنے بیان میں پیش کیا۔ بیان میں کہا گیا ہے کہ یہ پروڈکشن سہولت ایئر لنک کی موجودہ جدید ترین موبائل مینوفیکچرنگ سہولت سے ملحق قائداعظم انڈسٹریل اسٹیٹ، کوٹ لکھپت لاہور میں واقع ہوگی۔

کمپنی نے گزشتہ ماہ اعلان کیا تھا کہ وہ ایک مکمل ملکیتی ذیلی ادارہ "سیلیکٹ ٹیکنالوجیز (پرائیویٹ) لمیٹڈ کے ساتھ شراکت کرے گا جس کا بنیادی مقصد مخصوص منتخب برانڈ (برانڈوں) کی اضافی موبائل ڈیوائس مینوفیکچرنگ پر کام کرنا ہوگا۔

 سلیکٹ مینوفیکچرنگ پارٹنر ہوگا جبکہ ائیر لنک پاکستان میں شیاؤمی فونز کے سب سے بڑے ڈسٹری بیوٹرز میں سے ایک ہو گا۔  

 ائیر لنک کو توقع ہے کہ پاکستان میں شیاؤمی فونز کی فروخت اور کاروبار میں خاطر خواہ اضافہ ہو گا۔