پاکستانی برائیڈل میک اپ ٹرینڈز
شادی کا دن کسی بھی لڑکی کے لئے اس کی زندگی کا خوبصورت ترین ہوتا ہے ۔ہر لڑکی چاہتی ہے کہ شادی کے دن وہ سب سے خوبصورت نظر آئے۔ تو ظاہر ہے کہ لڑکیاں اگرچہ ویسے بھی خوبصورت ہوتی ہیں لیکن جب تک وہ خود کو میک اپ سے سجھا نا لیں انہیں یقین نہیں آتا۔ شادی کے دن برائڈل میک اپ گویا شادی کا ایک لازمی جزو ہے۔ تو آئیے سال 2023 کے پاکستانی برائیڈل میک اپ ٹرینڈز سے متعلق جانتے ہیں۔
آج کل تو ویسے بھی پاکستان میں شادیوں کا سیزن چل رہا ہے لہذا اگر آ کی بھی مستقبل قریب میں شادی ہونے جا رہی ہے اور آپ سال 2023 کے نئے برائڈل ٹرینڈز متعلق جاننا چاہتے ہیں تو یہ آرٹیکل آپ کے لئے ہی ہے۔ ذیل میں ہم نے سال 2023 کے ٹرینڈنگ برائڈل میک اپ آئیڈیاز کا ذکر کیا ہے۔
سال 2023 کے پاکستانی برائیڈل میک اپ ٹرینڈز سے متعلق جانئے
اول۔ نیچرل میک اَپ، ڈارک لپ اِسٹک
مشرقی اور مغربی دونوں طرح کی خواتین میں ہیوی میک اپ کم پسند کیا جانے لگا ہے۔ جدید خواتین لائٹ میک اپ کو پسند کرنے لگی ہیں شاید اس کی ایک وجہ یہ ہو کہ مرد بھی زیادہ میک اپ پسند نہیں کرتے ہیں۔ کچھ سال پہلے نیچرل برائیڈل میک اپ کا ٹرینڈ نا تھا تاہم اب ہوگیا ہے۔ نیچرل برائیڈل میک اپ میں لک آرٹسٹ آنکھوں اور چہرے کا میک اپ لائٹ کرتی ہیں جبکہ لپ اسٹک میں گہرے شیڈز استعمال کئے جاتے ہیں۔ یہ ایک اچھا آئیڈیا ہے جسے آپ استعمال کر سکتے ہیں۔
یہ بھی پڑھیں | اردو کے ایسے جادوگر الفاظ جو آپ کو اکثر استعمال کرنے چاہیے
یہ بھی پڑھیں | سگریٹ چھوڑنا چاہتے ہیں تو ان تجاویز پر عمل کریں
دوم۔ برائیڈل میک اَپ، اسموکی آئی
لڑکیوں کو اس چیز کا علم ہے کہ برائیڈل میک اپ میں آنکھوں کی بڑی اہمیت ہوتی ہے۔ آج کل اس حوالے سے اسموکی آئی میک اَپ بھی چل رہا ہے جو دیکھتے ہی دیکھتے ایک ٹرینڈ بن گیا ہے۔ آج کل اسموکی آئی میک اَپ میں کلرڈگلیٹر، چمکیلی ڈسٹ اورنت نئی اسموکی تکنیک کا استعمال کیا جارہا ہے۔ کچھ عرصہ پہلے اسموکی میک اپ کا مطلب بلیک آئی شیڈو کا تصور ہوتا تھا لیکن اب ٹرینڈ تبدیل ہوگیا ہے اور اس میں نیلا ، برگنڈی ، کتھئی اور اودی رنگ بھی استعمال ہوتا ہے۔
سوم۔ برائیڈل میک اَپ، گلیٹر آئی
گلیٹر آئی میک اس وقت خواتین میں مقبول ترین ٹرینڈ ہے۔ اس میں نارملی گلیٹر آئی میک اَپ کا استعمال کیا جاتا ہے۔ اداکارہ آئزہ خان نے بھی شادی اور ولیمے میں گلیٹر آئی میک اَپ کا استعمال کیا تھا۔ اس میں کلرڈ گلیٹر کا استعمال بھی کیا جاتا ہے۔
