جنرل باجوہ کا پی ٹی آئی حکومت گرانے کا اعتراف
پاکستان تحریک انصاف کے چیئرمین عمران خان نے کہا ہے کہ سابق آرمی چیف جنرل (ر) قمر جاوید باجوہ نے ایک صحافی کو دیئے گئے بیان میں اعتراف کر لیا ہے کہ انہوں نے پی ٹی آئی حکومت کو گرایا۔ عمران خان نے کہا کہ اب فوج کے اندر اس معاملے کی انکوائری ہونی چاہیے۔
نجی ٹی وی چینل کو انٹرویو دیتے ہوئے انہوں نے کہا کہ باجوہ پالیسی ابھی تک چل رہی ہے۔ جنرل باجوہ نے تکبر سے کہا ہء کہ انہوں نے حکومت کی قسمت کا فیصلہ کیا۔ پہلے لوگ سمجھتے تھے کہ جنرل باجوہ کی وجہ سے حکومت گری جبکہ اب باجوہ نے خود اعتراف کر لیا ہے۔
.یہ بھی پڑھیں | مریم نواز کی پارٹی پالیسی کے خلاف جانے پر شوہر کی سرزنش
.یہ بھی پڑھیں | الیکشن کی تاریخ دینے کے پابند نہیں، گورنر پنجاب کا لاہور ہائیکورٹ کو جواب
آرمی چیف نے حکومت گرائی
عمران خان نے کہا کہ عوام پر واضح ہو گیا کہ آرمی چیف نے حکومت گرائی۔ انہوں نے مل کر ہماری حکومت گرائی اور اکٹھے ہو گئے۔ ایک سوال کے جواب میں ان کا کہنا تھا کہ الیکشن کمیشن ان کے ساتھ ملی ہوئی ہے۔ شفاف الیکشن نہیں ہو سکتے کیونکہ پولیس اہلکار الیکشن میں دھاندلی کے لیے تعینات کیے گئے ہیں۔
امید ہے پنجاب اور خیبرپختونخوا میں انتخابات 90 دن میں ہوں گے۔
