اردو خبر

Facebook Youtube Instagram Newspaper Medium Reddit Tiktok X Twitter
urdu_khabar_logo
Menu
  • قومی نیوز
  • سیاست کی خبریں
  • کھیل کی خبریں
    • کرکٹ نیوز
  • بزنس کی خبریں
    • معیشت کی خبریں
    • ٹیکنالوجی کی خبریں
  • تفریح
    • فلمیں انڈسٹری نیوز
    • موسیقی نیوز
  • بین اقوامی خبریں
  • علاقائی خبریں
  • لائف سٹائل نیوز
    • صحت
    • سفر

گرم موسم میں روزانہ کتنا پانی پینا ضروری ہے؟

ریحان صدیقی by ریحان صدیقی
جون 3, 2024
in صحت, لائف سٹائل نیوز
water

ہر سال موسم گرما پہلے سے زیادہ مختلف ہوتا جا رہا ہے کیونکہ زمین کے درجہ حرارت میں اضافہ ہو رہا ہے۔

اسی وجہ سے تھکاوٹ، بلڈ پریشر میں اضافے اور دیگر مسائل سے بچنے کے لیے مناسب مقدار میں پانی پینا لازمی ہے۔

لیکن سوال یہ ہے کہ کتنی مقدار کو مناسب قرار دیا جا سکتا ہے؟

اس حوالے سے مختلف نظریات موجود ہیں کہ روزانہ کتنا پانی پینا چاہیے، کس کو زیادہ پانی کی ضرورت ہوتی ہے اور ڈی ہائیڈریشن یا پانی کی کمی کا پتہ کیسے چلایا جا سکتا ہے۔

آپ کو روزانہ کتنا پانی پینا چاہیے؟


یہ رائے بہت عام ہے کہ ہر شخص کو روزانہ 8 گلاس پانی (تقریباً 1.9 لیٹر) پینا چاہیے، بیشتر افراد اس پر بغیر سوچے عمل کرتے ہیں، حالانکہ انہیں معلوم نہیں ہوتا کہ یہ مشورہ کہاں سے آیا یا ہمیں اتنے گلاس پانی کی ضرورت کیوں ہوتی ہے۔

حقیقت یہ ہے کہ 8 گلاس پانی پینے کا خیال کچھ زیادہ درست نہیں کیونکہ اس کے حوالے سے مضبوط سائنسی شواہد موجود نہیں۔

ویسے تو 8 گلاس پانی پینا برا نہیں مگر کچھ افراد کے لیے یہ مقدار بہت زیادہ جبکہ کچھ کے لیے ناکافی ثابت ہو سکتی ہے۔

دیگر نظریات بھی موجود ہیں مگر ان پر بھی مکمل اتفاق نہیں، طبی ماہرین کے مطابق ہر فرد کو پانی کی مختلف مقدار کی ضرورت ہوتی ہے۔

ویسے بالغ افراد کے لیے پانی کی ‘مناسب مقدار’ کے حوالے سے طبی ماہرین کی رائے موجود ہے مگر ہر فرد کے لیے یہ مقدار مختلف ہوتی ہے۔

یہ بھی پڑھیں:  نیوزی لینڈ فائنل کے لئے تیار

اس کی وجہ یہ ہے کہ پانی کے علاوہ دودھ، چائے، کافی، پھلوں، سبزیوں اور دیگر غذاؤں سے بھی جسم کو پانی حاصل ہوتا ہے۔

امریکا کے انسٹیٹیوٹ آف میڈیسن آف دی نیشنل اکیڈمیز کی سفارشات

4 سے 8 سال کے بچوں کو روزانہ 7 کپ پانی پینا چاہیے۔

9 سے 13 سال کے لڑکوں کو 10 جبکہ اسی عمر کی لڑکیوں کو 9 کپ پانی پینا چاہیے، 14 سے 18 سال کے لڑکوں کو 14 جبکہ اسی عمر کی لڑکیوں کو 10 کپ پانی پینا چاہیے۔

اسی طرح بالغ خواتین کو روزانہ 2.7 لیٹر (یا 11 کپ) جبکہ مردوں کو 3.7 لیٹر (یا 15 کپ) پانی پینا چاہیے۔

یہ واضح رہے کہ اتنی مقدار میں سیال ضروری نہیں کہ صرف پانی کے ذریعے جسم کا حصہ بنایا جائے۔

زیادہ پانی کی ضرورت کس کو ہوتی ہے؟

اگر آپ جسمانی طور پر زیادہ سرگرم رہتے ہیں: جو افراد اپنے کام کی وجہ سے دن بھر جسمانی طور پر متحرک رہتے ہیں، انہیں دیگر کے مقابلے میں زیادہ پانی کی ضرورت ہو سکتی ہے۔

آپ جتنا زیادہ متحرک رہیں گے، اتنا زیادہ پسینہ خارج ہوگا اور جسمانی سیال کی کمی پوری کرنے کے لیے زیادہ پانی کی ضرورت ہوگی۔

ورزش کرنے والے افراد

اگر آپ جسمانی مشقت والا کام نہیں کرتے مگر روزانہ کئی گھنٹے ورزش کرتے ہیں تو پھر پانی کی ضرورت بھی زیادہ ہوگی۔

یہاں تک کہ اگر پانی کی کمی کا احساس نہ ہو تو بھی جسمانی سرگرمیوں کے دوران جسم کے اندر پانی کی کمی ہوتی ہے۔

گرم موسم والے مقامات پر رہنے والے

گرم موسم کا مطلب پسینے کا زیادہ اخراج ہے اور اس لیے ضروری ہے کہ جسم سے خارج ہونے والے سیال کی کمی کو پانی پی کر پورا کیا جائے۔

یہ بھی پڑھیں:  رمضان سےمتعلق 5 احادیث رسول پڑھئے

حاملہ خواتین

حاملہ خواتین کو زیادہ پانی پینے کی ضرورت ہوتی ہے تاکہ خون کا بہاؤ بہتر ہو، کیلوریز کا زیادہ استعمال ہو اور دیگر جسمانی افعال درست طور پر کام کریں۔

پانی کی کمی کا پتہ کیسے چلایا جائے؟

اگر آپ کو پیاس کا احساس کم ہوتا ہے تو پیشاب کی رنگت سے بھی جسم میں پانی کی کمی کا اندازہ لگایا جا سکتا ہے۔

اگر پیشاب کی رنگت شفاف یا ہلکی زرد ہے تو یہ اس بات کا اشارہ ہے کہ جسم کو مناسب مقدار میں پانی دستیاب ہے البتہ گہری رنگت پر پانی پینا بہتر ہوتا ہے۔

ریحان صدیقی

ریحان صدیقی

ریحان صدیقی ایک ماہر سیاسی تجزیہ کار اور صحافی ہیں، جو ملکی و بین الاقوامی سیاست پر گہری نظر رکھتے ہیں۔ وہ اپنے بے باک اندازِ تحریر اور تفصیلی تجزیوں کی وجہ سے پہچانے جاتے ہیں اور مختلف ڈیجیٹل پلیٹ فارمز پر لکھ چکے ہیں۔

جواب دیں جواب منسوخ کریں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

حالیہ خبریں

پاکستان میں آج سونے کی قیمتیں، 30 اگست 2025

پاکستان میں آج سونے کی قیمتیں، 30 اگست 2025

اگست 30, 2025
لاہور کے 15 مشہور تعلیمی ادارے

لاہور کے 15 مشہور تعلیمی ادارے

اگست 29, 2025
2025 میں اسلام آباد کے 12 بہترین ہوٹل

2025 میں اسلام آباد کے 12 بہترین ہوٹل

اگست 28, 2025
ملتان کے بارہ عظیم اولیاء کے مزارات روحانی ورثہ اور تاریخ

ملتان کے بارہ عظیم اولیاء کے مزارات: روحانی ورثہ اور تاریخ

اگست 30, 2025
راولپنڈی کی 10 بہترین مٹھائی کی دکانیں

راولپنڈی کی 10 بہترین مٹھائی کی دکانیں

اگست 28, 2025
کراچی کے بہترین 8 ہسپتال علاج اور سہولیات کے لحاظ سے رینکنگ

کراچی کے بہترین 8 ہسپتال: علاج اور سہولیات کے لحاظ سے رینکنگ

اگست 27, 2025

اردو خبر ویب سائٹ عوام کے لئے مقامی اور ٹرینڈنگ خبروں کو شیئر کرنے کے لئے بنائی گئی ہے۔ یہاں آپ کیلئے تازہ ترین خبریں ، آراء ، شہ سرخیاں ، کہانیاں ، رجحانات اور بہت کچھ ہے۔ قومی واقعات اور تازہ ترین معلومات کے لئے سائٹ کو براؤز کریں

ہم سے رابطہ کریں
سائٹ کا نقشہ

  ہمارے بارے میں    |    پرائیویسی پالیسی    |    سروس کی شرائط

پاکستان میں آج سونے کی قیمتیں، 30 اگست 2025

پاکستان میں آج سونے کی قیمتیں، 30 اگست 2025

اگست 30, 2025
لاہور کے 15 مشہور تعلیمی ادارے

لاہور کے 15 مشہور تعلیمی ادارے

اگست 29, 2025
2025 میں اسلام آباد کے 12 بہترین ہوٹل

2025 میں اسلام آباد کے 12 بہترین ہوٹل

اگست 28, 2025

ہمارے ساتھ رہئے

Facebook Youtube Instagram Newspaper X Twitter Medium Reddit Tiktok

Add New Playlist

No Result
View All Result
  • Home

© 2025 JNews - Premium WordPress news & magazine theme by Jegtheme.

ہم کوکیز استعمال کرتے ہیں تاکہ ہم آپ کو ہماری ویب سائٹ پر بہترین تجربہ فراہم کریں۔ اگر آپ اس سائٹ کا استعمال جاری رکھتے ہیں تو ہم اس بات کو قبول کریں گے کہ آپ اس سے خوش ہیں۔